ខេត្តកំពង់ឆ្នាំង៖ ផ្ទះឈើមួយខ្នងមានទំហំ ៤ x ៤ ម៉ែត្រ ត្រូវបានអគ្គីភ័យ ឆាបឆេះទាំងស្រុង កាល វេលាម៉ោង១៣ និង ៣០នាទី រសៀលថ្ងៃទី ២០ ខែធ្នូ ឆ្នាំ ២០២០ នៅចំណុចភូមិ មានោក ឃុំត្បែងខ្ពស់ ស្រុកសាមគ្គីមានជ័យ ។
លោក សេង ចិន្តា អធិការនគរបាល ស្រុកសាមគ្គីមានជ័យ បានឲ្យដឹងថា ម្ចាស់ផ្ទះត្រូវអគ្គីភ័យឆាបឆេះខាងឡើង
លើ មានឈ្មោះ សួន ចាន់នី អាយុ ២៧ ឆ្នាំនិងប្រពន្ធឈ្មោះ រ៉េត ផល អាយុ ២៤ ឆ្នាំមានកូនមួយនាក់ក្នុងបន្ទុក ។
ចំពោះការខូចខាតមានផ្ទះទំហំ ៤ ម៉ែត្រគុណនឹង ៤ម៉ែត្រ ធ្វើអំពីឈើ ក្រាលក្តាប្រក់ ស្លឹកត្រូវបាន ឆេះខ្ទេចទាំងស្រុងសម្ភារៈ ខូចខាតរួមមាន ម៉ូតូ១គ្រឿង
អង្ករកន្លះការ៉ុង ប្រាក់ ៧ពាន់រៀល អត្តសញ្ញាណប័ណ្ណ សៀវភៅគ្រួសារនិងឯកសារផ្សេងៗព្រមទាំងសម្ភារៈក្នុងផ្ទះមួយចំនួនទៀតផង ។
ចំពោះមូលហេតុត្រូវបាន សមត្ថកិច្ច បញ្ជាក់ថា បណ្ដាលមកពី ឆ្លង ចរន្ត ផ្ទាំងសូឡា ខណះ ដែលម្ចាស់ផ្ទះមិននៅផ្ទះ។
សមត្ថកិច្ចនគរបាលបានបញ្ជាក់ថាពុំមានទៅនណានាក់រងរបួសក្នុងហេតុការណ៍នោះឡើយ។
ក្រោយពេលកើតហេតុត្រូវបានក្រុមការងារនិងអាជ្ញាធរឃុំត្បែងខ្ពស់និងមន្ត្រីកងរាជអាវុធហត្ថបាននាំយក៖ថវិកាអង្ករនិងគ្រឿងឧបភោគជួយឧបត្ថម្ភភ្លាមៗផងដែរ ៕
