ភ្នំពេញ៖ ជនសង្ស័យតូចធំ២នាក់ត្រូវបានកម្លាំងសមត្ថកិច្ចនគរបាលខណ្ឌដង្កោដេញពទ្ធ័ឃាត់ខ្លួនបានភ្លាមៗក្រោយពេលធ្វើសកម្មភាពលួចម៉ូតម៉ាកហុងដាសេ១២៥សេរីឆ្នាំ២០១៥មួយគ្រឿងខណ:ពេលម្ចាស់ចតទុកក្បែរវាលស្រែរួចចុះទៅច្រូតស្រូវនៅចំនុចភូមិកណ្តាលសង្កាត់រលួសខណ្ឌដង្កោ កាលពីវេលាម៉ោង៩និង៣០នាទីព្រឹកថ្ងៃទី២២ខែធ្នូ ឆ្នាំ២០២០ ។
ក្រោយពេលធ្វើសកម្មភាពលួចម៉ូតូបានសម្រេចភ្លាមៗនោះម្ចាស់ម៉ូតូខាងលើបានរាយការណ៏ជូនកម្លាំងនគរបាលប៉ុស្តិរដ្ឋបាលសង្កាត់រលួស ។
បន្ទាប់ពីទទួលបានព័ត៍មានខាងលើនេះ លោកវរសេនីយ៍ឯក ជឹម ស៊ីថា អធិការនគរបាលខណ្ឌដង្កោបានដឹកនាំកម្លាំងពួនស្ទាក់និងដេញចាប់ឃាត់ខ្លួនបានជនសង្ស័យទាំង២នាក់បានភ្លាមៗនៅចំនុចភូមិតាឡីសង្កាត់ដង្កោខណ្ឌដង្កោ។
បច្ចុប្បន្នជនសង្ស័យទាំង២នាក់ត្រូវបានបញ្ជូនមកសាកសួបន្តនៅអធិការដ្ឋាននគរបាលខណ្ឌដង្កោដើម្បីអនុវត្តន៏តាមនិតិវិធី៕
