ខេត្តកំពង់ស្ពឺ៖ សមត្ថកិច្ចនគរបាលនៃអធិការដ្ឋាននគរបាលស្រុកភ្នំស្រួច កាលពីថ្ងៃសុក្រ ទី២៥ ខែធ្នូ ឆ្នាំ២០២០ បានឃាត់ខ្លួនជនសង្ស័យ ម្នាក់ ពាក់ពន្ធ័ករណីចោរកម្ម(លួចគោ) ចំនួន២ក្បាល ស្ថិតក្នុងភូមិក្រាំងមេត្រី(ត្រពាំងខ្លុង) ឃុំដំបូករូង ស្រុកភ្នំស្រួច ខេត្ដកំពង់ស្ពឺ ។
ជនសង្ស័យមានឈ្មោះ យឹម សុធារិទ្ធិ ភេទប្រុស អាយុ៣៥ឆ្នាំ រស់នៅភួមិទី៦(វាលធំ) ឃុំត្រែងត្រយឹង ស្រុកភ្នំស្រួច ។
ជនសង្ស័យបានឆ្លើយសារភាពថា កន្លងមកខ្លួនធ្លាប់បានលួចគោ ព្រលះយកសាច់នៅស្រុកភ្នំស្រួចនិងទីកន្លែងផ្សេងទៀត។
ដកហូតវត្ថុតាង សោកន្ទុយអន្ទង់ ០១ (សម្រាប់កាច់កម៉ូតូ) កន្រ្តៃ០១ ដែកកាប់០១ អត្តសញ្ញាបណ្ណ័សញ្ជាតិខ្មែរ ០១ ខ្សែចងគោ ០១ខ្សែ មួក០១ ម៉ាស ០១ ស្រោមដៃ០១ និងកាតេ “បាវ”។
ជាក់ស្ដែង ជនសង្ស័យរួមជាមួយវត្ថុតាង ត្រូវបានសមត្ថកិច្ចជំនាញកសាងសំណុំរឿង បញ្ជូនទៅស្ថាប័នអយ្យការ អមសាលាដំបូងខេត្ដកំពង់ស្ពឺ ចាត់ការនីតិវិធីបន្ដ ចំណែកសត្វគោពីក្បាលបានប្រគល់ជូនម្ចាស់វិញ៕
