ភ្នំពេញ៖ អ្នករត់តាក់ស៊ីម្នាក់ ត្រូវគេប្រទះឃើញដេកស្លាប់នៅក្នុងរថយន្តរបស់ខ្លួន ភ្លាមៗនោះរាយការណ៍ប្រាប់សាច់ញាតិនិងសមត្ថកិច្ចខណៈពេលដែរប្រពន្ធនិងបងប្អូនតាមរកតាំងពីថ្ងៃទី២៦ ធ្នូ ២០២០ មកម្លេះ។
ហេតុការណ៍ប្រទះឃើញសាកសពនេះកាលពីវេលាម៉ោង៦និង០០នាទី ព្រឹកថ្ងៃទី ២៨ ធ្នូ ២០២០ នៅក្នុងរថយន្តរបស់ជនរងគ្រោះ ម៉ាក ហាយឡែនឌ័រពណ៍ខ្មៅ ពាក់ស្លាកលេខភ្នំពេញ 2AI-8932 ចតលើចិញ្ចើមផ្លូវ លេខ៥១ កែង២១៤ សង្កាត់បឹងរាំងាំង ខណ្ឌដូនពេញ រាជធានីភ្នំពេញ ។
ប្រភពព័ត៌មានពីក្រុមគ្រួសារសាច់ញាតិរបស់ជនរងគ្រោះបានឲ្យដឹងថាសពមាន ឈ្មោះ នួន រ៉ាន ភេទប្រុសអាយុ ៤២ ឆ្នាំមុខរបរអ្នករត់តាក់ស៊ី ស្នាក់នៅភូមិតាងួន សង្កាត់កាកាបទី១ ខណ្ឌពោធិ៍សែនជ័យ រាជធានីភ្នំពេញនិងមានស្រុកកំណើតនៅស្រុកក្រោលគោ ខេត្តស្វាយរៀង។
ប្រភពដដែលបាន បានបន្តឲ្យដឹងទៀតថាកន្លងមកជនរងគ្រោះពុំដែលធ្លាប់មានជំងឺប្រចាំកាយនោះទេ។ហើយគាត់តែងតែរត់តាក់ស៊ីដឹកភ្ញៀវនៅក្នុងរាជធានីភ្នំពេញ លុះនៅថ្ងៃសៅរ៍ទី២៦ ធ្នូ ២០២០ ពេលល្ងាចស្រាប់តែបាត់ដំណឹងជនរងគ្រោះមិនដឹងថាគាត់បាត់ទៅទីណានោះទេ ។រហូតថ្ងៃទី ២៨ ខែធ្នូឆ្នាំ ២០២០ស្រាប់តែមែនមិត្តភ័ក្កិដែលជាអ្នករត់តាក់ស៊ីដូចគ្នាបានធ្វើដំណើរឆ្លងកាត់តាមបណ្ដោយផ្លូវប៉ាស្ទ័រក៏បានប្រទះឃើញរថយន្តរបស់ជនរងគ្រោះចត ក៏ចុះទៅអើតមើល ស្រាប់តែឃើញជនរងគ្រោះដេកស្លាប់នៅក្នុងរថយន្ត មានសភាពហើមបាត់ទៅហើយ មិនដឹងស្លាប់តាំងពីពេលណានោះទេ ក៏បានរាយការណ៍ប្រាប់ទៅក្រុមគ្រួសារសាច់ញាតិរួមទាំងរាយការណ៍ប្រាប់ទៅសមត្ថកិច្ចមូលដ្ឋានចុះមកដល់កន្លែងទីតាំងកើតហេតុ។
បន្ទាប់មកសមត្ថកិច្ចផ្នែកជំនាញ យកខ្សែមកហ៊ុំព័ទ្ធ ដើម្បីធ្វើការពិនិត្យកន្លែងកើតហេតុ ក្រោយមកក៏លើកសពយកទៅពិនិត្យលើដងខ្លួន និងយកទោធ្វើបុណ្យតាមប្រពៃណីនៅវត្តទឹកថ្លាខណ្ឌសែនសុខ៕
