ខេត្ដស្វាយរៀង៖ នៅថ្ងៃពុធ ១រោច ខែបុស្ស ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៣០ ខែធ្នូ ឆ្នាំ២០២០
លោក តូច ប៉ូលីវ៉ា អនុប្រធាន សសយក ខេត្ត តំណាងលោក ឌី វិជ្ជា ប្រធាន សសយក ខេត្ត មានការចូលរួមពីគណៈកម្មាធិការ សសយក ស្រុកស្វាយជ្រំ រមាសហែក ក្រុងបាវិត គណៈកម្មាធិការ ឃុំ និងសង្កាត់ បាននាំយកសម្ភាររួមមានមី ថវិកា បន្លែ និងសម្ភារៈផ្សេងៗមួយចំនួន ឧបត្ថម្ភពីលោកឌី វិជ្ជា ប្រធាន សសយក ខេត្ត លោកតូច ប៉ូលីវ៉ា អនុប្រធាន សសយក ខេត្ត និងសប្បុរសជន ទៅប្រគល់ជូនរដ្ឋបាលស្រុកស្វាយជ្រំ ស្រុករមាសហែក និងក្រុងបាវិត សម្រាប់យកទៅផ្គត់ផ្គង់ការហូបចុក ស្នាក់នៅរបស់បងប្អូនប្រជាពលករខ្មែរដែលបានវិលត្រឡប់មកពីធ្វើការងារនៅប្រទេសថៃ និងប្រទេសវៀតណាម ចូលមកខេត្តស្វាយរៀង នៅស្រុករមាសហែក ស្រុកស្វាយជ្រំ និងក្រុងបាវិត ត្រូវបានធ្វើចត្តាឡីស័កដើម្បីត្រួតពិនិត្យសុខភាព បង្ការមេរោគកូវីដ-១៩ រយៈពេល ១៤ថ្ងៃ នៅទីតាំងមណ្ឌលចតា្តឡីស័កការិយាល័យកសិកម្មស្រុកស្វាយជ្រំ ការិយាល័យកសិកម្មស្រុករមាសហែក និងក្រុងបាវិត ៕
