ខេត្ដកំពង់ចាម៖ យើងខ្ញុំជាថ្នាក់ដឹកនាំនិងសហការីទាំងអស់ នៃមន្ទីមុខងារសាធារណ:ខេត្ដកំពង់ចាម ពិតជាមានសេចក្ដីសោមនស្សរីករាយយ៉ាងក្រៃលែងនិងសូមសម្ដែងនូវអំណរសាទរប្រកបដោយក្ដីរំភើបឥតឧបមា ដែលប្រទេសកម្ពុជាយើងចាប់ផ្ដើមទទួលបានដំណក់ប្រេងលើកដំបូងបំផុតនាថ្ងៃអង្គារទី២៩ខែធ្នូឆ្នាំ២០២០ស្របពេលខូបលើកទី២២នៃការបញ្ចប់សង្គ្រាមប្រដាប់អាវុធបាននាំមកនូវឯកភាពជាតិឯកភាពទឹកដីតាមរយះការដាក់ចេញនយោបាយ”ឈ្នះ ឈ្នះ”ក្រោមការដឹកនាំប្រកបដោយគតិបណ្ឌិតនិងការឈ្លាសវៃរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ដ្រីនៃព្រះរាជាណាចក្រកម្ពុជា។
តាមរយៈភាពជោគជ័យជាប្រវត្តិសាស្រ្ត នៃការទទួលបានដំណក់ប្រេងជាលើកដំបូងនេះ គឺជាការចាប់ផ្តើមដ៏សំខាន់បំផុត សម្រាប់ប្រទេសកម្ពុជា ឆ្ពោះទៅបង្កើតបាននូវសមត្ថភាពជាតិ និងខឿនឧស្សាហកម្មប្រេងកាត ឧស្ម័ន និងថាមពល ដែលជាពរជ័យសម្រាប់ប្រជាជាតិ និងប្រជាជនកម្ពុជា ។ក្រោមម្លប់ដ៏ត្រជាក់ត្រជុំនៃ «សន្តិភាព» ដែលជាកត្ដាសារវន្ដមិនអាចខ្វះបានសម្រាប់ការសម្រេចជោគជ័យលើសសមិទ្ធផលជាតិជាបន្ដបន្ទាប់និងការអភិវឌ្ឍលើគ្រប់វិស័យរួមទាំងសមិទ្ធផលថ្មីក្នុងវិស័យប្រេងកាតដែលប្រជាពលរដ្ឋខ្មែរទូទាំងប្រទេសបាននឹងទន្ទឹងរង់ចាំអស់រយះពេលជាយូរណាស់មកហើយ។
យើងខ្ញុំទាំងអស់គ្នា«សូមអរគុណសន្តិភាព» និងគោរពដឹងគុណចំពោះ សម្តេចតេជោនាយករដ្ឋមន្ត្រី បិតាស្ថាបនិក អត្តមគ្គទេសក៍ និងជាប្រតិបត្តិករនយោបាយ ឈ្នះឈ្នះ ដែលបានតស៊ូរំដោះប្រទេសជាតិឲ្យរួចផុតពី របបប្រល័យពូជសាសន៍ និងបានខិតខំពុះពារកសាងសន្តិភាព ខឿនសេដ្ឋកិច្ច លទ្ធិប្រជាធិបតេយ្យ និងវឌ្ឍនភាពសង្គមដ៏គាប់ប្រសើរនិងសូមយកឱកាសដ៍វិសេសវិសាលនេះប្រកាសគាំទ្រឥតងាករេចំពោះបេក្ខភាព សម្ដេចអគ្គមហាសេនាបតីតេជោ ហ៊ុន សែន ធ្វើជានាយករដ្ឋមន្ដ្រីគ្រប់ៗអាណត្ដិជារៀងរហូត។
យើងខ្ញុំទាំងអស់គ្នា សូមបួងសួងដល់គុណបុណ្យព្រះរតនត្រ័យ កែវទាំងបី វត្ថុស័ក្តិសិទ្ធិទាំងឡាយក្នុងលោក ទេវតាថែរក្សាទឹកដី នៃព្រះរាជាណាចក្រកម្ពុជា សូមជួយប្រសិទ្ធពរជ័យបវរសួស្តី សិរីមង្គល វិបុលសុខ មហាប្រសើរគ្រប់ប្រការជូន សម្តេចតេជោនាយករដ្ឋមន្ត្រី និង សម្តេចកិត្តិព្រឹទ្ធបណ្ឌិត ព្រមទាំងក្រុមគ្រួសារជាទីស្រឡាញ់សូមបានសមប្រកបនូវសុខភាពល្អបរិបូរណ៍ អាយុយឺនយូរ កម្លាំងខ្លាំងក្លា ប្រាជ្ញាឈ្លាសវៃ ដើម្បីបន្តដឹកនាំ និងអភិវឌ្ឍមាតុភូមិកម្ពុជា ក្នុងបេសកកម្មដ៏ឧត្តុង្គឧត្តមបម្រើជាតិ និងប្រជាជន ឲ្យកាន់តែរីកចម្រើនឈានឆ្ពោះទៅរកភាពសំបូរសប្បាយ ជានិច្ចនិរន្តរ៍៕
