ខេត្ដកំពង់ចាម៖ នៅសាលាខេត្តកំពង់ចាម ឯកឧត្ដម អ៊ុន ចាន់ដា អភិបាលនៃគណ:អភិបាលខេត្តកំពង់ចាម និងជាប្រធានគណៈកម្មការខេត្តប្រយុទ្ធប្រឆាំងនឹងជំងឺកូវីដ-១៩ នៅរសៀលថ្ងៃទី០៤ ខែមករា ឆ្នាំ២០២១ អញ្ជើញទទួលឧបករណ៍វាស់កម្តៅ និងលាងដៃដោយស្វ័យប្រវត្តិ ចំនួន០៧គ្រឿង ពីសាកលវិទ្យាល័យវេស្ទើនសាខាខេត្តកំពង់ចាម ដែលបានឧបត្ថម្ភដល់សាលាខេត្តកំពង់ចាម សម្រាប់ប្រើប្រាស់ក្នុងការងារបង្ការទប់ស្កាត់ការឆ្លងរាលដាលនៃវីរុសកូវីដ-១៩។
ក្នុងឳកាសនោះ ឯកឧត្តមអភិបាលខេត្តបានថ្លែងអំណរគុណយ៉ាងជ្រាលជ្រៅដល់សកលវិទ្យាល័យវេស្ទើន សាខាខេត្តកំពង់ចាម ដែលបានជួយឧបត្ថម្ភជាឧបករណ៍ស្វ័យប្រវត្តិក្នុងការប្រឆាំងនឹងវីរុសកូវីដ-១៩នាពេលនេះ។
ហើយនេះជាកាយវិការដែលសបញ្ជាក់ឲ្យឃើញពីការយកចិត្តទុកដាក់ចូលរួមគិតគូរដល់សុខភាពរបស់ប្រជាជនពីសំណាក់ថ្នាក់ដឹកនាំនៃសកលវិទ្យាល័យវេស្ទើន ក៏ដូចជាការចូលរួមយ៉ាងសកម្មជាមួយរដ្ឋាភិបាលកម្ពុជា ក្នុងការអភិវឌ្ឍន៍ធានមនុស្ស៕
