ខេត្ដកំពង់ស្ពឺ៖ នារសៀលថ្ងៃទី៤ ខែមករា ឆ្នាំ២០២១ លោកឧត្តមសេនីយ៍ទោ ជាតិ ប៉ូលីន មេបញ្ជាការរង យោធភូមិភាគទី៣ បាននាំយកអំណោយដ៏ថ្លៃថ្លារបស់ ឯកឧត្តម ឧត្តមសេនីយ៍ឯក ហ៊ុន ម៉ាណែត អគ្គមេបញ្ជាការរង នៃកងយោធពលខេមរភូមិន្ទ មេបញ្ជាការកងទ័ពជើងគោក ជូនសាលាពលទាហានទី៣ និងមជ្ឈមណ្ឌលហ្វឹកហ្វឺនកងទ័ពជើងគោក រួមមាន អង្ករ ប្រេងឥន្ធន: និងថវិកា សម្រាប់ទ្រទ្រង់សាលា និងយោធាចារ្យនៅក្នុងសាលាពលទាហានទី៣ និងមជ្ឈមណ្ឌលហ្វឹកហ្វឺនកងទ័ពជើងគោក ស្ថិតក្នុងខេត្តកំពង់ស្ពឺ។
មានប្រសាសន៍ក្នុងឱកាសនោះ លោកឧត្តមសេនីយ៍ទោ ជាតិ ប៉ូលីន បានលើកឡើងថា នេះគឺជាលើកទី១ ហើយសម្រាប់ឆ្នាំ២០២១ដែល ឯកឧត្តម មេបញ្ជាការ កងទ័ពជើងគោក បានផ្តល់ជូនសាលាពលទាហានទី៣ និងមជ្ឈមណ្ឌលហ្វឹកហ្វឺនកងទ័ពជើងគោក ហើយជានិច្ចកាល ឯកឧត្តម មេបញ្ជាការ តែងតែបានយកចិត្តទុកដាក់ឧបត្ថម្ភតាមបណ្ដាសាលាទូទាំងប្រទេស សម្រាប់ជាការលើកទឹកចិត្ដដល់សាលានៅក្នុងការហ្វឹកហ្វឺន៕
