ខេត្តព្រៃវែង៖ សង្វៀនជល់មាន់មួយកន្លែងកំពុងបើកលេងយ៉ាងរំភេីយ មិនរំខានដល់អាជ្ញាធរនិងសមត្ថកិច្ចនៅ ស្រុកព្រះស្ដេច។
សង្វៀនជល់មាន់មួយកន្លែងនេះចូលតាមផ្លូវក្លោងទ្វារវត្តពោធិ៍លាស់ ចម្ងាយប្រហែល៥០០ម៉ែត្រ នៅដីវាលមួយកន្លែងជិតភូមិក្រោមដើមអំពិលជូរ ស្ថិតនៅ ភូមិពោធិ៍លាស់ ឃុំល្វា ស្រុកព្រះស្ដេចខេត្តព្រៃវែង។
ប្រភពពីប្រជាពលរដ្ឋបានបង្ហើបប្រាប់ថា៖ ម្ចាស់សង្វៀនជល់មាន់ជាប្រជាការពាភូមិ ទៅសុំលោកយ៉ុង អុន មេប៉ុស្តិ៍ល្វាបើក សង្វៀនជល់មាន់នេះតែម្តង តែមិនដឹងថា៖បានរាយណ៍ទៅលោកអធិការស្រុកដែរឺទេ?។
ប្រជាពលរដ្ឋដាក់ការសង្ស័យថាសមត្ថកិច្ចប្រហែល ខ្លាចអំណាចប្រជាការពារភូមិហេីយមេីលទៅបានជាបណ្ដែតបណ្ដោយឲ្យលេងបានយ៉ាងនេះរឺសមត្ថកិច្ចឃុំល្វា ស្រុកព្រះស្តេចមានភាគហ៊ុនជាមួយប្រជាការពារទេដឹង?។
ប្រជាពលរដ្ឋសម្ដែងការមិនសប្បាយចិត្តដែលក្នុងភូមិ ឃុំ ស្រុកមានល្បែងស៊ីសងបែបនេះ ហើយពួកគាត់ខ្លាចមានអំពើចោរកម្មដូចជា លួច ឆក់ ប្លន់ជាដើម។ល។
ប្រជាពលរដ្ឋបានបន្តទៀតថា៖
ចុះឯណាទៅ លក្ខណៈភូមិ ឃុំ សវត្ថភាពទាំង៩ចំណុច របស់អាជ្ញាធរមានសមត្ថកិច្ច។
ហើយប្រជាពលរដ្ឋបានសុំសំណូមពរទៅដល់លោកលោក ព្រំសន្ធរ ស្នងការនគរបាលខេត្តព្រៃវែងមានវិធានការមើលកូនចៅក្រោមឱវាទផងទានព្រោះថា៖ បើមានល្បែងសុីសង ទាំងនេះហើយ គឺតែងតែមាន អំពើហិង្សាក្នុងគ្រួសារ ឆក់ ប្លន់ ជាដើម.ល.។
ពាក់ព័ន្វរឿងល្បែងសុីសងជល់មាន់ខាងលើលោក ជ័យ សេងហ៊ាងបានប្រាប់មកអង្គភាពសារព័ត៌មានយើង នៅថ្ងៃទី០៧ខែមករាឆ្នាំ២០២១នេះថា៖លោកបានអោយកម្លាំងចុះទៅមើលហើយ៕
