ភ្នំពេញ ៖ រថយន្តហាយលេនឌ័រមួយគ្រឿងបេីកឆ្លងផ្លូវមិនប្រយ័ត្ន ត្រូវរថយន្ត Toyota Prius បុកពីចំហៀងពេញទំហឹង បណ្ដាលរថយន្តហាយលេនឌ័រខ្ទាតទៅបោកនឹងបង្គោលភ្លើង ចំណែករថយន្តtoyota priusជ្រុលទៅបុកផ្លាកសញ្ញាបង្ហាញលេខផ្លូវមួយដើមបាក់ រាបដល់ដី សំណាងល្អមិនបង្កឲ្យមានអ្នករងរបួស។
ហេតុការគ្រោះថ្នាក់ចរាចរណ៍នេះបានកេីតឡេីងកាលពីវេលាម៉ោង១ និង៣០នាទីយប់រំលងអាធ្រាត្រ ឈានចូលថ្ងៃទី១៥ ខែមករា ឆ្នាំ២០២១ នៅចំណុចស្តុបសាលារៀនយុគន្ធរ ស្ថិតនៅតាមបណ្ដោយផ្លូវព្រះសីហនុ កែងផ្លូវលខ១០៥ ក្នុងសង្កាត់បឹងព្រលិត ខណ្ឌ៧មករា រាជធានីភ្នំពេញ ។
តាមប្រភពព័ត៌មានពីកន្លែងកេីតហេតុបានឲ្យដឹងថា នៅមុនកេីតហេតុ គគេឃេីញរថយន្តហាយលេនឌ័រ ពណ៌សពាក់ស្លាកលេខភ្នំពេញ2AM-5565ធ្វើដំណើរតាមបណ្ដោយផ្លូវព្រះសីហនុ ទិសដៅពីកើតទៅលិច លុះមកដល់ចំណុចស្តុបបែកបួន កែងនិងផ្លូវ១០៥ កន្លែងកើតហេតុខាងលើ ក៍រថយន្តToyota Prius ពណ៌ស ពាក់ស្លាកលេខភ្នំពេញ 2BC-3608 បានធ្វេីដំណេីរតាមបណ្ដោយផ្លូវ១០៥ ទិសដៅពីត្បូងទៅជើងក្នុងល្បឿនលឿន ចាប់ហ្វ្រាំងមិនទាន់ជ្រុលពាក់កណ្តាលរថយន្តហាយលេនឌ័រពេញទំហឹងបណ្តាលរថយន្តហាយលេនឌ័រខ្ទាតទៅបោកផ្ទប់និងបង្គូលភ្លើងបំភ្លឺផ្លូវចំណែករថថយន្តToyota Prius រេចង្កូតទៅបុកបង្គូលស្លាកសញ្ញាបង្ហាញលេខផ្លូវមួយដេីមបាក់រៀបដល់ដីកល់ជាប់ទៅមុខលេងរួច។ចំណែករថយន្តទាំងពីរគ្រឿងរងការខូចខាតយ៉ាងដំណំដូចគ្នា។
ក្រោយកើតហេតុ សមត្ថកិច្ចមូលដ្ឋាននិងកម្លាំងជំនាញចរាចរណ៍ខណ្ឌ៧មករា បានសហការគ្នាចុះមកធ្វេីការវាស់វែងនិងប្រគល់រថយន្តទាំង២គ្រឿងនេះទៅកម្លាំងជំនាញចរាចរណ៍ជេីងគោក នៃស្នងការដ្ឋាននគរបាលរាជធានីភ្នំពេញ ដេីម្បីរក្សាទុករង់ចាំដោះស្រាយតាមច្បាប់ ៕
