ខេត្ដស្វាយរៀង៖ មានករណីហឹង្សាក្នុងគ្រួសារមួយរវាងបុរសជាប្តីពេលត្រឡប់ពីភ្នំពេញមកជួបប្រពន្ធនៅឯស្រុកកំណើត ស្រាប់តែមានជម្លោះគ្នាយ៉ាងខ្លាំង ហើយបុរសជាប្តីបានគំរាមរកអារ.ក សម្លាប់ប្រពន្ធធ្វើឱ្យប្រពន្ធភ័យក៏រត់ទៅប្តឹមេភូមិ។
ពេលមេភូមិមកសួរនាំក៏កាប់លោកមេភូមិបណ្ដាល ឱ្យរងរបួស រួចហើយដុតម៉ូតូ និង ដុតផ្ទះខ្លួនឯងបង្កការភ្ញាក់ផ្អើលដល់អ្នកភូមិ និងសមត្ថកិច្ចមកធ្វើអន្តរាគមន៍ជួយបាញ់ទឹកពន្លត់ និងក៏កំពុងឡោមព័ទ្ធជនសង្ស័យផងដែរ។
ហេតុការណ៍នេះបានកើតឡើងកាលពីវេលាម៉ោង ២រសៀល ថ្ងៃទី១៧ ខែមករា ឆ្នាំ២០២១ ស្ថិតនៅក្នុងភូមិ ត្របែកប្រហោង ឃុំ តាសួស ស្រុក ស្វាយជ្រំ ខេត្តស្វាយរៀង។
បើតាមលោក ពិន អាន អធិការនគរបាលស្រុកស្វាយជ្រំបានឱ្យថា៖ជនសង្ស័យខាងលើមានឈ្មោះ កែវ ធូ អាយុ២៨ឆ្នាំ មុខរបរមិនពិតប្រាកដ រស់នៅភូមិ-ឃុំកេីតហេតុខាងលើ ហើយគេទើបត្រឡប់មកពីភ្នំពេញ។
ចំណែកលោកមេភូមិដែលរងគ្រោះមានឈ្មោះ សួស សារី ភេទប្រុស អាយុ ៧០ឆ្នាំ មុខរបរមេភូមិ ត្របែកប្រហោង រស់នៅក្បែរភូមិកើតហេតុខាងលើត្រូវជនសង្ស័យយកពូថៅកាប់ត្រូវ៦ កន្លែងហើយត្រូវបានដឹកទៅកាន់មន្ទីរពេទ្យបង្អែកស្រុកស្វាយជ្រំ។
ប្រភពបន្តថា៖ចំណែកសម្ភារខូចខាតរួមមាន ម៉ូតូហុងដាឌ្រីម សេ១២៥ ស៊េរីឆ្នាំ២០១៣ ឆេះអស់ទាំងស្រុង និងសម្ភារផ្សេងៗមួយចំនួនទៀត។លោកបន្តថា មុនកើតហេតុជនសង្ស័យ បានធ្វេីដំណេីរមកពីភ្នំពេញមកលេងស្រុកកំណើតក្នុងភូមិឃុំកើតហេតុខាងលើ បន្ទាប់ពីមកដល់ផ្ទះ ជនសង្ស័ យ បានរករឿ ង ឈ្លោះ ជាមួយប្រពន្ធ និងបាន គំរាមរកអា រ. កធ្វើឱ្យប្រពន្ធភ័យក៏បានរត់ចេញផ្ទះដើម្បីទៅប្តឹងលោកមេភូមិត្របែកប្រហោង។
ក្រោយមក លោកមេភូមិបានជិះម៉ូតូមកដល់ស្រាប់តែ ជនសង្ស័យបានយកពូថៅកាប់និង វា យត្រូវក្បាល និងដងខ្លួន លោកមេភូមិបណ្ដា លឱ្យ រងរបួសធ្ងន់ហើយក៏បានយកដែកកេះ កេះដុតផ្ទះបង្កការភ្ញាក់ផ្អើលតែម្ដង។
លោកបន្ថែមថា៖ រហូតមកដល់វេលាម៉ោង៤រសៀល ថ្ងៃដដែលនេះ សមត្ថកិច្ច ទាំងនគរបាល និងកងរាជអាវុធហត្ថស្រុក កំពុងឡោមព័ទ្ធដោយជនសង្ស័យ មាន ពូ ថៅ ជា ប់ខ្លួន មិនព្រមប្រគល់ខ្លួនឱ្យសមត្ថកិច្ចចាប់ តាមសម្រួលនោះទេ ខណៈផ្ទះកំពុងត្រូវភ្លើងឆេះយ៉ាងខ្លាំង៕
