ភ្នំពេញ ៖ នៅព្រឹកថ្ងៃទី ១៩ ខែ មករា ឆ្នាំ២០២១ លោកវរសេនីយ៍ទោ ម៉ន វុធី អធិការនៃអធិការដ្ឋាននគរបាលខណ្ឌពោធិ៍សែនជ័យបានដឹកនាំកិច្ចប្រជុំ ផ្សព្វផ្សាយ សេចក្តីណែនាំ របស់ក្រសួងមហាផ្ទៃ ស្តីពី ការលុបបំបាត់ការបង្កសម្លេងរំខានលេីសកម្រិតយានយន្តគ្រប់ប្រភេទ។ ដោយមានការចូលរួមពីលោក លោកស្រី អធិការរង លោកនាយប៉ុស្តិ៍ នាយផ្នែក រងផ្នែក ប្រធានគោលដៅ ។
ឱកាសនោះដែរ ក៏មានការចូលរួមមតិយោបល់ អំពីការអនុវត្តជាក់ស្តែង បញ្ហាប្រឈមនានា របស់លោក លោកស្រី អធិការរង នាយប៉ុស្តិ៍ នាយផ្នែក ក្នុងការអនុវត្តការងារលេីការចាប់ឃាត់ យានយន្តកែច្នៃសុីមាំង ដែលតែងតែបង្កសម្លេងរំខានដល់ការសម្រាករបស់ប្រជាពលរដ្ឋផងដែរ ។
បន្ថែមពីលេីនេះទៀត លោក អធិការ បានបញ្ជាដល់ប៉ុស្តិ៍ ផ្នែក ត្រូវតែចុះធ្វេីការណែនាំអប់រំដល់គ្រប់ទីតាំងជួសជុល និងកែច្នៃយានយន្ត ត្រូវចូលរួមសហការ ដោយមិនតម្រូវកែច្នៃសុីមាំង ណាដែលបង្កសម្លេងរំខានខ្លាំង ដល់ការសម្រាករបស់ប្រជាពលរដ្ឋនោះឡើយ៕
