ភ្នំពេញ ៖ រថយន្តស៊េរីទំនើបម៉ាក Ford ranger ពាក់ស្លាកលេខរដ្ឋមួយគ្រឿង បោះពួយយ៉ាងឡើងលើសួនចែកទ្រូងផ្លូវ បុករះគុម្ពផ្កាបាក់អស់ជាច្រើនគុម្ព និងបង្គោលប៉ាណូមួយដើម បណ្ដាលឲ្យទ្រេត ឯរថយន្តផ្ទប់ជាប់រងការខូចខាតយ៉ាងដំណំទៅមុខលែងរួច កាលពីវេលាម៉ោង៧និង៣០យប់ នៅទីថ្ងៃទី២០ ខែមករា ឆ្នាំ២០២១ ត្រង់ចំណុចក្បែរវត្តកៀនឃ្លាំង តាមបណ្តោយផ្លូវជាតិលេខ៦A ក្នុងសង្កាត់ជ្រោយចង្វា ខណ្ឌជ្រោយចង្វា រាជធានីភ្នំពេញ។
តាមប្រភពព័ត៌មានពីកន្លែងកើតហេតុ បានឲ្យដឹងថា មុនកើតហេតុ គេឃើញរថយន្តមួយគ្រឿង ពណ៌ខ្មៅ ពាក់ស្លាកលេខរដ្ឋ 19 2-0074 ធ្វើដំណើរតាមបណ្តោយផ្លូវជាតិលេខ៦A ទិសដៅពីកើតទៅលិចចូលមកក្រុងភ្នំពេញ លុះមកដល់ចំណុចកើតហេតុខាងលើ ក៏រេកចង្កូតមកខាងឆ្វេងដៃឡើងលើសួនចែកទ្រូងផ្លូវ បុករះដើមផ្កាប៉ាក់អស់ជាច្រើនគុម្ព នឹងបង្គោលប៉ាន់ណូមួយដើមបណ្ដាលឲ្យទ្រេត ឯរថយន្តខូចខាតផ្នែកខាងមុខយ៉ាងដំណំផ្ទប់ជាប់ទៅមុខលែងរួច។
ក្រោយកើតហេតុ សមត្ថកិច្ចមូលដ្ឋានបានដល់ និងទំនាក់ទំនងទៅសមត្ថកិច្ចជំនាញ ចុះមកធ្វើការវាស់វែងយករថយន្តទៅរក្សាទុកនៅការិយាល័យចរាចរណ៍ផ្លូវគោក នៃស្នងការដ្ឋាននគរបាលរាជធានីភ្នំពេញ រង់ចាំធ្វើការដោះស្រាយគ្នាទៅតាមផ្លូវច្បាប់៕
