ខេត្ដកំពង់ចាម៖ លោក សំ ពិសិដ្ឋ ប្រធានក្រុមការងារសមាគមសិស្ស និស្សិត បញ្ញវន្តក្មេងវត្តសាខាខេត្តកំពង់ចាម និងអនុសាខា សមាគមស្រុកចំការលើ និងសហការី នាល្ងាចថ្ងៃទី ០២ ខែកុម្ភៈ ឆ្នាំ២០២១ បានចូលរួមក្នុងពិធីបុណ្យសពយុវជន ប៉ុក ណាល អាយុ ២៤ឆ្នាំ ដែលបានទទួលមរណភាពដោយគ្រោះថ្នាក់ចរាចរណ៍ នៅខេត្តព្រះសីហនុ ដែលពិធីបុណ្យនេះប្រារព្វឡើងនៅគេហដ្ឋានសព ស្ថិតនៅភូមិបី ឃុំល្វាលើ ស្រុកចំការលើ ខេត្តកំពង់ចាម។
នៅក្នុងឱកាសនោះ លោកប្រធានក្រុមការងារ និងសហការី បាននាំយកបច្ច័យរបស់សមាគម និងបច្ច័យ ព្រមទាំងក្តារមឈូស ដែលជាអំណោយរបស់ លោក សុធា ពិសិដ្ឋ ព្រះរាជអាជ្ញារង ជូនដល់គ្រួសារសពខាងលើផងដែរ។
លោក យឿន សុភា សមាជិកសមាគម និងជាអាចារ្យចាត់ចែងក្នុងកម្មវិធីខាងលើបានឲ្យដឹងថា សម្ភារៈ និងបច្ច័យដែលបានចូលរួមក្នុងកម្មពិធីបុណ្យខាងលើរួមមាន÷
១, លោក សុធា ពិសិដ្ឋ តាមរយៈសមាគម បានឧបត្ថម្ភ ក្តាមឈូស ០១ តំលៃ ១២០$ ជូនអាចារ្យ ២០មុឺន ព្រះចៅអធិការវត្ត អាចារ្យ គណៈកម្មការវត្តល្វាលើ រួមនិងអនុសាខា ព្រមទាំងសប្បុរសជន សរុប ១,២៣០,០០០៛ ក្នុងនោះក៏មានសម្ភារៈមួយចំនួនទៀតរួមមាន÷ បាឡុង ០១ឈុត អង្ករ ៥០Kg ទឹកត្រី ០២យួរ ទឹកសុីអុីវ ០២យួរ។
ក្នុងឱកាសនោះផងដែរលោក សំ ពិសិដ្ឋ ក្នុងនាមក្រុមការងារសមាគម សិស្ស និស្សិត បញ្ញវន្តក្មេងវត្ត ខេត្តកំពង់ចាម សូមចូលរួមរំលែកទុក្ខយ៉ាងក្រៀមក្រំនូវការបាត់បង់យុវជនម្នាក់ដែលជាទំពាំងស្នងឬស្សី សម្រាប់គ្រួសារ និងសង្គមជាតិ។ លោកប្រធានក្រុមការងារសាមាគមក៏បានឧទ្ទិសកុសលផលបុណ្យ ជូនដល់វិញ្ញាណក្ខន្ធសពយុវជន ប៉ុក ណាល សូមបានទៅកាន់ឋានបរមសុខកុំបីឃ្លៀងឃ្លាតឡើយ៕
