ខេត្ដកំពង់ចាម៖ លោក សំ ពិសិដ្ឋ ប្រធានក្រុមការងារសាខាសមាគមសិស្ស និស្សិត បញ្ញវន្តក្មេងវត្តខេត្តកំពង់ចាម និងសហការី អមដំណើរដោយក្រុមការងារអនុសាខាសមាគមស្រុកកោះសូទិន នៅព្រឹកថ្ងៃទី ០៤ខែ កុម្ភៈ ឆ្នាំ២០២១ បានអញ្ជើញចូលរួមគោពព្រះវិញ្ញានក្ខន្ធព្រះសពព្រះគ្រូជោតត្ថេរោ អង់ សុផល ព្រះចៅអធិការវត្តមហាលាភ ស្ថិតនៅភូមិមហាលាភ ឃុំមហាលាភ ស្រុកកោះសូទិន ខេត្តកំពង់ចាម ដែលព្រះអង្គបានសង្គត់កាលពីព្រឹកថ្ងៃទី ៣១ខែមករា ឆ្នាំ២០២១ វេលាម៉ោង ០៦និង១០នាទី ដោយរោគាពាធ។
ក្នុងឱកាសនៃការអញ្ជើញចូលរួមគោរពព្រះវិញ្ញានក្ខន្ធ និងការចូលរំលែកទុក្ខយ៉ាងក្រៀមក្រំនោះ លោកប្រធាន រួមនិងក្រុមការងារ បាននាំយកបច្ច័យរបស់សមាគម និងបច្ច័យរបស់សមាជិក សមាជិកាសមាគម សរុប ៥០០.០០០៛ ទៅចាប់មផលក្នងកម្មវិធីបុណ្យខាងលើផងដេរ។
លោក សំ ពិសិដ្ឋ ថ្លែងថា ការបាត់បង់នូវព្រះវត្តមានព្រះគ្រូជោតត្ថេរោ អង់ សុផល ព្រះចៅអធិការវត្តមហាលាភ គឺជាការបាត់បង់នូវធនធានព្រះសង្ឃមួយព្រះអង្គដែលគួរឲ្យសោកស្តាយបំផុត។
ក្នុងឳកាសនោះលោកប្រធាន រួមនិងក្រុមការងារបានឧទ្ទិសកុសលផលបុណ្យប្រគេនដល់ព្រះវិញ្ញាណក្ខន្ធព្រះសពព្រះគ្រូជោតត្ថេរោ អង់ សុផល ព្រះចៅអធិការវត្តមហាលាភ សូមឲ្យព្រះវិញ្ញានក្ខន្ធរបស់ព្រះអង្គ បាននិមន្តទៅសោយសុខក្នុងព្រះនិព្វានកុំបីឃ្លាងឃ្លាតឡើយ៕
