ខេត្ដស្វាយរៀង៖ នាព្រឹកថ្ងៃសុក្រ ៨រោច ខែមាឃ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី៥ ខែកុម្ភៈ ឆ្នាំ២០២១
ឯកឧត្តម តូច ប៉ូលីវ៉ា អភិបាលរងខេត្ត តំណាងឯកឧត្ដមអភិបាលខេត្តស្វាយរៀង បានអញ្ជើញចូលរួមជាគណៈអធិបតី ក្នុងពិធីចែកកាតាបនិងសម្ភារសិក្សាក្រោមជំនួយរបស់មូលនិធីចិនដើម្បីកាត់បន្ថយភាពកក្រីក្រដល់សិស្សានុសិស្សនៅសាលាបឋមសិក្សាតាសួស ស្ថិតនៅភូមិស្វាយក្អែ ឃុំតាសួស ស្រុកស្វាយជ្រំ ខេត្តស្វាយរៀង ក្រោមអធិបតីភាពឯកឧត្តម កឹមរ័ត្ន វិសិដ្ឋ រដ្ឋលេខាធិការ ទីស្តីការគណៈរដ្ឋមន្រ្តី និងជាប្រធាន ក្រុមប្រឹក្សាភិបាល នៃវេទិកាសម័្ពន្ធសង្គមស៊ីវិល។
ពិធីនេះមានការអញ្ជើញចូលរួមពីឯកឧត្តម លោក លោកស្រី ប្រតិភូតំណាងវេទិកាសម័្ពន្ធសង្គមស៊ីវិល លោក លោក លោកស្រី ប្រធាន អនុប្រធាន មន្ទីរ-អង្គភាពនានាជុំវិញខេត្ត ក្រុមប្រឹក្សាស្រុកស្វាយជ្រំ លោកអភិបាលរងស្រុកស្វាយជ្រំ ក្រុមប្រឹក្សាឃុំ មេភូមិ លោក លោកស្រីប្រធានការិយាល័យអប់រំ យុវជន និងកីឡាស្រុក លោកនាយក នាយករង លោកគ្រូ អ្នកគ្រូ និងក្មួយៗ កូនៗសិស្សានុសិស្ស ៕
