ខេត្តស្ទឹងត្រែង ៖ កាលពីថ្ងៃទី១៣ ខែកុម្ភៈ ឆ្នាំ ២០២១ មានករណីគ្រោះថ្នាក់ចរាចរណ៍មួយបានកើតឡើងធ្វើឲ្យមនុស្ស៩ នាក់ បានរងរបួសធ្ងន់ស្រាល់ រវាងរថយន្តដឹកមាន់បាន បុកគ្នាជាមួយរថយន្តឡិចស៊ីស(Lexus) ក្នុងទិសដៅបញ្ច្រាសគ្នា យ៉ាងពេញទំហឹង នៅចំណុចព្រំប្រទល់រវាងឃុំស្រែឫស្សី និងឃុំសំអាង ស្រុកថាឡាបរិវ៉ាត់ ខេត្តស្ទឹងត្រែង ។
តាមប្រភពពីកន្លែងកើតហេតុបានឲ្យដឹងថាករណីគ្រោះថ្នាក់ចរាចរណ៍នេះ បង្កឡើងរវាងរថយន្តដឹកមាន់រស់ បុកគ្នាជាមួយរថយន្តលុចស៊ីស ក្នុងទិសដៅបញ្ច្រាសគ្នា យ៉ាងពេញទំហឹងធ្វើឲ្យរថយន្តទាំង២រងការខូចខាតយ៉ាងដំណំ ទីតាំងកើតហេតុមានចម្ងាយប្រមាណជាង ១៧ គីឡូម៉ែត្រ ពីក្រុងស្ទឹងត្រែង លើកំណាត់ផ្លូវជាតិលេខ៩ស្ទឹងត្រែ-ព្រះវិហារ។
ប្រភពដ៏ដែលបានបន្តទៀតថាហេតុការណ៍គ្រោះថ្នាក់ចរាចរណ៍នេះ បណ្ដាលឲ្យមនុស្ស ចំនួន ៩នាក់ រងរបួសធ្ងន់និងស្រាល ក្នុងនោះ មានស្រីចំនួន ២ នាក់។ អ្នករងរបួស ត្រូវបានដឹកយកទៅសង្គ្រោះបន្ទាន់ នៅមន្ទីរពេទ្យបង្អែក ខេត្តស្ទឹងត្រែង ភ្លាមៗផងដែរ។
តាមការលើកឡើងពីបងប្អូនប្រជាពលរដ្ឋ នៅក្នុងហេតុការណ៍នោះបានឲ្យដឹងថា រថយន្តដឹកមាន់បានធ្វើដំណើរបញ្ច្រាសទិសគ្នា ពីខេត្តព្រះវិហារ មកខេត្តស្ទឹងត្រែង រីឯរថយន្តឡិចស៊ិស(Lexus)ធ្វើដំណើរ ពីខេត្តស្ទឹងត្រែង ទៅខាងខេត្តព្រះវិហារ លុះដល់ចំណុចកើតហេតុបានបុកគ្នាពេញទំហ៊ឹងតែន្តង។
ក្រោយពេលកើតហេតុសមត្ថកិច្ច ក៏បានចុះដល់កន្លែងកើតហេតុ ដើម្បីសម្រួលយករថយន្ត ចេញពីកន្លែងកើតហេតុហើយសមត្ថកិច្ច មិនទាន់ប្រាប់ពីអត្តសញ្ញាណ អ្នករងរបួស នៅឡើយទេ ៕ ព័ត៌មានបឋម
