ខេត្តបន្ទាយមានជ័យ ៖ នាព្រឹកថ្ងៃ ថ្ងៃអាទិត្យ ៣ កើត ខែផល្គុន ឆ្នាំជូតទោស័ក ពុទ្ធសករាជ ២៥៦៤ត្រូវនឹងថ្ងៃទី១៤ ខែកុម្ភៈ ឆ្នាំ២០២១ នៅវេលា ម៉ោង ៨និង៣០នាទី មានករណី អគ្គិភ័យមួយបានកើតឡើង ក្រោយទទួល ព័ត៌មានភ្លាម កម្លាំងអធិការនគរបាលក្រុងប៉ោយប៉ែត ដឹកនាំដោយលោក វរសនីយ៍ឯក សៅ សារឿន អធិការក្រុងប៉ោយប៉ែត សហការជាមួយ កម្លាំងកងរាជអាវុធហត្ថ ក្រុងប៉ោយប៉ែត ចំនួន២០នាក់ ដឹកនាំបញ្ជាផ្ទាល់ដោយលោក វរសេនីយ៍ត្រី នួន នីណារ៉ូ មេបញ្ជាការកងរាជអាវុធហត្ថក្រុងប៉ោយប៉ែត ដឹកនាំកម្លាំងចុះជួយពន្លត់អគ្គិភ័យ នៅចំណុចភោជនីយដ្ឋានកុងទីន័រម្ដុំដីស ស្ថិតក្នុងភូមិសាមគ្គីមានជ័យ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ។
បើយោងតាមការបំភ្លឺពីឈ្មោះ ហេង ស្រ៊េង ភេទប្រុស អាយុ៤០ឆ្នាំ អ្នកគ្រប់គ្រងទីតាំងកន្លែងកេីតហេតុ បានអោយដឹងថា អគ្គីភ័យបង្ករឡេីងដោយសារ ផ្ទុះសេខ្សែភ្លើងបណ្ដាលអោយឆេះបន្ទប់ចំនួន០១ មានទំហំ០៣ម៉ែត្រ×០៥ម៉ែត្រ និងសម្ភារ:ប្រេីប្រាស់មួយចំនួនរួមមាន :
១• ម៉ាស៊ីនត្រជាក់ចំនួន០១គ្រឿង
២ • អាំភ្លី និងប៉ាសចំនួន០១ឈុត
៣ • សាឡុងចំនួន០១ឈុត
៤ • កង្ហារចំនួន០២គ្រឿង
ករណីឆាបឆេះនាព្រឹកនេះ កម្លាំង ជួយអន្តរាគមន៍ បានប្រើប្រាស់រថយន្តពន្លត់អគ្គិភ័យចំនួន០២គ្រឿង បានពន្លត់អគ្គិភ័យទាំងស្រុងនៅវេលាម៉ោង០៩និង០០នាទីព្រឹកថ្ងៃខែឆ្នាំដដែល ៕ដោយ,លោកចាន់ពុធ
