ខេត្តកំពង់ស្ពឺ ៖ នៅព្រឹកថ្ងៃសៅរ៍ ៩កើត ខែមាឃ ឆ្នាំជូទោស័ក ព.ស.២៥៦៤ ត្រូវនឹងថ្ងៃទី២០ ខែកុម្ភៈ ឆ្នាំ២០២១នេះ លោក ញ៉េន មុន្នីរតនៈ អភិបាលនៃគណៈអភិបាលរងស្រុកគងពិសី តំណាងលោកអភិបាលស្រុក បានចូលរួមពិធីចែកសម្ភារៈសិក្សា ម៉ាស ជែលលាងដៃសម្លាប់មេរោគ និងដាំកូនក្រញូង នៅវិទ្យាល័យទ័ពមានជ័យ ឃុំស្ដុក ស្រុកគងពិសី ខេត្តកំពង់ស្ពឺ។
លោកអភិបាលរងស្រុកបានបញ្ជាក់ប្រាប់ថា សម្ភារៈទាំងអស់ដែរគឺបានការឧបត្ថម្ភដោយ ក្រុមហ៊ុន《 CHIP MONG industries》ដើម្បីចែកជូនដល់លោកគ្រូអ្នកគ្រូ និងសិស្សានុសិស្សនៃសាលាវិទ្យាល័យ《ទ័ពមានជ័យ》សំរាប់លាងសំអាតដៃនិងសម្លាប់មេរោគ ក្នុងពិធីននោះក៏មានការអញ្ជើញចូលរួមពីតំណាងក្រុមហ៊ុនសហការី លោកគ្រូអ្នកគ្រូ និងសិស្សានុសិស្សផងដែរ។
ឆ្លៀតនៅក្នុងឱកាសនោះលោក ញ៉េន មុន្នីរតនៈ អភិបាលរងស្រុកគង់ពិសីបានមានមតិ្តសំណេះសំណាលជាមួយលោកគ្រូ អ្នកគ្រូ និងប្អូនៗសិស្សានុសិស្សនៃសាលាវិទ្យាល័យ《ទ័ពមានជ័យ》និងបាននាំពាក្យផ្តាំផ្ញើសួសុខទុក្ខពីឯកឧត្តមអភិបាលខេត្តកំពង់ស្ពឺ និងលោកអភិបាលស្រុកគងពិសីផង ដែរ។
ចុងក្រោមលោក ញ៉េន មុន្នីរតនៈ តំណាងរដ្ឋបាលស្រុកគងពិសីសូមថ្លែងអំណរគុណយ៉ាងជ្រាលជ្រៅចំពោះក្រុមហ៊ុន 《 CHIP MONG industries》ដែលបានជួយឧបត្ថម្ភនៅក្នុងពិធីនោះដែរ។ ហើយលោកក៏បានសំណូមពរដល់បងប្អូនប្រជាពលរដ្ឋលោកគ្រូ អ្នកគ្រូ និងប្អូនៗសិស្សានុសិស្ស សូមថែរក្សាសុខភាពឲ្យបានល្អទាំងអស់គ្នាចៀសវាងកុំឲ្យមានជំងឺផ្សេងៗកើតឡើង ជាពិសេសសូមចូលរួមទប់ស្កាត់ការពារការីរាលដាលនៃជំងឺកូវីដ-19 នៅក្នុងសហគមន៍ ត្រូវអនុវត្តឲ្យបានខ្ជាប់ខ្ជួនតាមការណែនាំរបស់ក្រសួងសុខាភិបាល៕
