ខេត្ដស្វាយរៀង៖ រដ្ឋបាលខេត្តស្វាយរៀង សូមជម្រាបជូន ឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី បងប្អនប្រជាពលរដ្ឋ សាធារណជន និងមន្ត្រីរាជការទាំងអស់ ឱ្យបានជ្រាបថា ៖ ដើម្បីអនុវត្តនូវវិធានការការពារ និងទប់ស្កាត់ការរីករាលដាលជំងឺកូវីដ-១៩ រដ្ឋបាលខេត្តបានបោះពុម្ភដាក់ឱ្យប្រើប្រាស់ប្រព័ន្ធ QR Code «ទប់ស្កាត់កូវីដ Stop Covid» រៀបចំដាក់នៅខាងមុខច្រកចូលសាលាខេត្ត កន្លែងវាស់កម្ដៅ និងបាញ់អាល់កុល ។ ដូចនេះ សូមឯកឧត្តម លោកជំទាវ អ្នកឧកញ៉ា លោកឧកញ៉ា លោក លោកស្រី បងប្អនប្រជាពលរដ្ឋ សាធារណជន និងមន្ត្រីរាជការទាំងអស់ មុនចូលបរិវេណសាលាខេត្ត ក្រៅពីវាស់កម្តៅ ពាក់ម៉ាស់ និងលាងសម្អាតដៃ ត្រូវតែស្កេន QR Code «ទប់ស្កាត់កូវីដ Stop Covid» ជាមុនសិន ។
របៀបតម្លើងកម្មវីធី QR Code «ទប់ស្កាត់កូវីដ Stop Covid»មានដូចខាងក្រោម៖
– ជំហានទី១ ៖ រកមើលកន្លែងដែលមានដាក់បង្ហាញរូប QR Code នៅតាមច្រកចូល
– ជំហានទី២ ៖ ស្កេន QR Code ដោយប្រើកាមេរ៉ាទូរសព្ទដៃ។ ក្នុងករណី មិនអាចស្កេន QR Code តាមរយៈកាមេរ៉ា សូមចូលទៅកាន់គេហទំព័រ stopcovid.gov.kh ដោយផ្ទាល់ រួចចុចលើពាក្យ “ចាប់ផ្តើមស្កេន”
– ជំហានទី៣ ៖ ចំពោះការចុះឈ្មោះលើកដំបូង សូមលោកអ្នកវាយលេខទូរសព្ទ រួចចុចលើពាក្យ “បន្ត”
– ជំហានទី៤ ៖ វាយលេខកូដ ៦ខ្ទង់ ដែលបានផ្ញើទៅកាន់ប្រអប់សារទូរសព្ទដៃ ជាការស្រេច។
ចំពោះការស្កេនលើកក្រោយៗ គ្រាន់តែអនុវត្តតាមជំហានទី២ ខាងលើ៕
