ភ្នំពេញ ៖ ក្រុមជនសង្ស័យ២នាក់បានធ្វើសកម្មភាពឆក់កាបូបពីរនាក់ប្ដីប្រពន្ធបានសម្រេចរួចជិះគេចខ្លួនបាត់ស្រមោល កាលពីនៅវេលាម៉ោង១០និង១០យប់ថ្ងៃចន្ទ ទី១ ខែមីនា ឆ្នាំ២០២១ ត្រង់ចំណុចមុខវត្តស្ទឹងមានជ័យ តាមបណ្តោយផ្លូវ២១៧ ក្នុងសង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ។
ជនរងគ្រោះទី១មានឈ្មោះ ឈុំ សារ៉ន ភេទប្រុស អាយុ៣៧ឆ្នាំ ជនជាតិខ្មែរ មុខរបរខាងអនាម័យត្រូវជាប្តី និងជនរងគ្រោះទី២មានឈ្មោះ ដុំ ចន្ធី ភេទស្រី អាយុ៣៦ឆ្នាំ ជនជាតិខ្មែរ មុខរបរខាងអនាម័យ ត្រូវជាប្រពន្ធ អ្នកទាំង២ស្នាក់នៅក្នុងសង្កាត់ទន្លេបាសាក់ ខណ្ឌ ចំការមន មានស្រុកកំណើតនៅស្រុកបារាយណ៏
ខេត្តកំពង់ធំ ។
មធ្យោបាយធ្វើដំណើរដោយម៉ូតូម៉ាកឌ្រីមសង់C125 ស៊េរីឆ្នាំ២០២១ ពណ៌ខ្មៅ ពាក់ផ្លាកលេខកំពង់ធំ1P.7752 សម្ភារះបាត់បង់រួមមានការបូបស្ពាយចំហៀងមួយ អត្តសញ្ញាណ ប័ណ្ណ១សន្លឹកនិងបានប័ណ្ណ ប.ស.សមួយសន្លឹក។
ចំណែកជនសង្ស័យជិះម៉ូតូឌុបគ្នាពីរនាក់ម៉ាក់ស្គុតពីមិនចាំពណ៌មិនចាំផ្លាកលេខ បានជិះគិចដោយ សុវត្តិភាព។
យោងតាមសម្តីជនរងគ្រោះបានរៀបរាប់ប្រាប់ថា ដំបូងឡើយពួកគាត់ចេញពីចំការដូងក្នុងគោលបំណងទៅកន្លែងស្នាក់នៅក្នុងសង្កាត់ ទន្លេបាសាក់ ខណ្ឌចំការមន ដោយជិះម៉ូតូឌុបគ្នាតាមបណ្តោយផ្លូវ២១៧ ទិសដៅពីលិចទៅកើត ខណៈមកដល់ចំណុចកើតហេតុខាងលើ ក៏ស្រាប់តែលេចមុខជនសង្ស័យជិះម៉ូតូមួយគ្រឿងឌុបគ្នាម៉ាកស្កុបពី មកតាមពីក្រោយធ្វើសកម្មភាពឆក់កាបូបស្ពាយរបស់គាត់ដែលគាត់ទុកនៅពីមុខ ខាងក្រោយខ្នងប្ដីរបស់គាត់ បានសម្រេចតែសំណាងល្អជ្រុះទូរស័ព្ទរបស់គាត់ មកដីវិញគាត់ក៏ឈប់រើសយកទូរស័ព្ឌហើយក៏មកក្រោមស្ពានអាកាសស្ទឹងមានជ័យដើម្បីឱ្យសមត្ថកិច្ចជួយដេញចាប់ជនសង្ស័យដោយជិះគេចខ្លួនតាមបណ្ដោយផ្លូវ ២១៧ទិសដៅពីលិចមក កើតបាត់ស្រមោល ដោយយកទៅជាមួយនូវការ បូបមួយ អត្តសញ្ញាណប័ណ្ណ១សន្លឹក និងប័ណ្ណប.ស.ស មួយសន្លឹកយកទៅដោយសុវត្ថិភាពមិន រំខានដល់សមត្ថកិច្ចឡើយ។
ក្រោយកើតហេតុ សមត្ថកិច្ចមូលដ្ឋានប៉ុស្ដិ៍ស្ទឹងមានជ័យទី២ បាននាំជនរងគ្រោះពីរនាក់ ប្តីប្រពន្ធទៅដាក់ពាក្យបណ្ដឹងដើម្បីកំណត់ មុខសញ្ញាតាមចាប់យកមកផ្ដន្ទាទោសតាមច្បាប់៕
