ខេត្តកំពង់ចាម៖ រាជរដ្ឋាភិបាលក៍ដូចជាក្រសួងសុខាភិបាល បានអំពាវនាវកុំឲ្យប្រជាពលរដ្ឋជួបជុំគ្នា ប្រមូលផ្ដុំគ្នាខណ:ជម្ងឺកូវីដ១៩កំពុងឆ្លងចូលសហគមន៍។
បេីក្រឡេកមេីល ទីតាំងសង្វៀនជន់មាន់ មួយកន្លែងដែលស្ថិតនៅក្នុងភូមិព្រែករំដេង ឃុំព្រែករំដេង ស្រុកស្រីសន្ធរ ខេត្តកំពង់ចាម ដែលមានផ្លូវចូលពីភូមិវាលស្បូវ ឃុំឫស្សីស្រុក ប្រហែលជាង៣គីឡូម៉ែត្រ បាននិងកំពុងបេីកលេងយ៉ាងរំភេីយមិនខ្លាចអាជ្ញាធរមានសមត្ថកិច្ចក្នុងមូលដ្ឋានឡេីយ ហាក់បីដូចប្រទេសគ្មានច្បាប់ ដោយប្រមូលផ្ដុំគ្នាបេីកលេងយ៉ាងសប្បាយទៅវិញ ។
ទោះបីជាគោលនយោបាយភូមិឃុំមានសុវត្ថិភាពទាំង៩ ចំណុចរបស់រាជរដ្ឋាភិបាលដែលបានដាក់ចេញឲ្យអនុវត្ដន៍ទួទាំងប្រទេសក្ដី ទួយ៉ាងទីតាំងសង្វៀនជន់មាន់ មួយកន្លែងដែលស្ថិតនៅក្នុងភូមិព្រែករំដេង ឃុំព្រែករំដេង ស្រុកស្រីសន្ធរ ខេត្តកំពង់ចាម ដែលមានផ្លូវចូលពីភូមិវាលស្បូវ ឃុំឫស្សីស្រុក ប្រហែលជាង៣គីឡូម៉ែត្រ បាននិងកំពុងបេីកលេងជារៀងរាល់ថ្ងៃ។
បើយោងតាមប្រភពច្បាស់ការ ពីអ្នកចេញចូលលេងល្បែង ទីតាំងខាងលើបានឲ្យដឹងថាទីតាំងនេះគឺជាក្ដីសុខសាន្ដសម្រាប់ពួកគេលេងដោយគ្មានក្ដីព្រួយបារម្ភហេីយគ្មានសមត្ថកិច្ចណាមករំខានដែរ។
ហើយអ្វីដែលសំខាន់ទៀតនោះគេសង្កេតឃើញថា បទល្មើសចោរកម្មក៏កើតឡេីងដូចជាចោរឆក់ ចោរលួច ចោរប្លន់ គាស់ផ្ទះយកទ្រព្យសម្បតិរបស់បងប្អូនប្រជាពលរដ្ឋជាដើម គឺអាចកើតចេញពីល្បែងស៊ីសងទាំងនេះឯង។
ពាក់ព័ន្ធនឹងករណីនេះដែរប្រជាពលរដ្ឋបានសុំណូមពរដល់អាជ្ញាធរពាក់ព័ន្ធទាំងអស់ជាពិសេសលោក ឧត្ដមសេនីយ៍ទោឯកម កុសល ស្នងការខេត្ដកំពង់ចាម មេត្តាចុះពិនិត្យ និងបង្ក្រាបទីតាំងដែលបើកល្បែងសុីសងនេះផង ដើម្បីឲ្យស្របតាមគោលនយោបាយភូមិ សង្កាត់ មានសុវត្ថិភាពទាំង៩ ចំណុចរបស់រាជរដ្ឋាភិបាលដែលបានដាក់ចេញ៕
