ខេត្តបាត់ដំបង៖ សមត្ថកិច្ចបានឲ្យដឹងថា នៅថ្ងៃទី២៣ខែមីនាឆ្នាំ២០២១នេះ ថាគ្រាប់យុទ្ធភ័ណ្ឌមិនទាន់ផ្ទុះជាច្រើនគ្រាប់បានរកឃើញថ្ងៃតែមួយលើទីតាំងផ្សេងគ្នាក្នុងស្រុកចំនួន៣ គ្រាប់យុទ្ធមិនទាន់ផ្ទុះដែលបានប្រទះឃើញនៅលើទីតាំងទី១គឺនៅព្រឹកថ្ងៃទី២៣ខែមីនានេះនៅចំណុចវត្តបុរាណនិវេសន៍(ហៅវត្តគាស់ក្រឡ)ស្ថិតក្នុងភូមិមុខវត្ត ឃុំគាស់ក្រឡ ស្រុកគាស់ក្រឡ ខណះដែលព្រះសង្ឃគង់ក្នុងវត្តបានជីកកាយដីដើម្បីដាក់លូធ្វើបង្គន់អនាម័យទើបបានប្រទះឃើញគ្រាប់មិនទាន់ផ្ទុះប្រភេទ(PKF)ចំនួន១៦កេះស្មើនឹង៤០០០គ្រាប់(ផលិតនៅប្រទេសឣាមេរិច)។តាមការពិនិត្យជាក់ស្តែងគ្រាប់ទាំងនោះឣាចកប់ក្នុងសម័យលន់នល់ហើយខូចគុណភាពប្រហែល៩០%នេះបើយោងតាមការបញ្ជាក់ពីសមត្ថកិច្ចជំនាញ។
ប្រភពដដែលបន្តថា គ្រាប់យុទ្ធភ័ណ្ឌដែលប្រទះឃើញលើទីតាំងទី២នៅព្រឹកថ្ងៃដដែលខាងលើនៅវេលាម៉ោង៨និង០០នាទីបានប្រះឃើញចំនួន២៩គ្រាប់ខណះដែលមានប្រជាកសិករជាម្ចាស់ស្រែឈ្មោះរឿម គង់ ភេទប្រុសអាយុ៤២ឆ្មាំរស់នៅភូមិថ្មី ឃុំកន្ទឺ១ ស្រុកបាណន់ បានមករាយការណ៍ឲ្យនគរបាលប៉ុស្តិ៍ថាបានឃើញគ្រាប់នៅក្នុងដំបូកក្នុងស្រែរបស់ខ្លួន។
ក្រោយពីកំលាំងប៉ុស្តិ៍បានទៅត្រួតពិនិត្យឃើញគ្រាប់មានចំនួន២៩គ្រាប់ក្នុងនោះមាន:គ្រាប់៦០mm១៩គ្រាប់,គ្រាប់DK៨២ចំនួន៤គ្រាប់,គ្រាប់80mmចំនួន៤គ្រាប់,គ្រាប់៧៥mmចំនួន០១គ្រាប់និងគ្រាប់B40ចំនួន០១គ្រាប់។
ចំណែកគ្រាប់យុទ្ធភ័ណ្ឌដែលប្រទះឃើញលើទីតាំងទី៣ក្នុងថ្ងៃដដែលនៅវេលាម៉ោង១០និង០០នាទីបានប្រទះឃើញចំនួន០៦គ្រាប់ខណះដែលកំពុងកាយដីធ្វើផ្លូវក៏ប្រទះឃើញហើយប្រជាពលរដ្ឋម្នាក់ឈ្មោះទឹម ស៊ីណាក់ ប្រុសអាយុ៦៤ឆ្នាំរស់នៅចំណុចទួលសង្កែបបួយស្ថិតនៅភូមិកោះរាមឃុំខ្នាចរមាសស្រុកបវេលបាត់ដំបងបានរាយការណ៍ជូនសមត្ថកិច្ចទៅពិនិត្យដើម្បីយកមករក្សាទុកបណ្តោះអាសន្ន។
ក្នុងនោះមានគ្រាប់៨០mm០១គ្រាប់,គ្រាប់B៤០ចំនួន០១គ្រាប់,គ្រាប់ម៉ីន៦៩ចំនួន០១គ្រាប់,គ្រាប់បែកដៃចំនួន០៣គ្រាប់។
សមត្ថកិច្ចឲ្យដឹងដែរថាបច្ចុប្បន្នគ្រាប់យុទ្ធភ័ណ្ឌសរ៉ុបទាំង៣ទីតាំងក្នុងស្រុកទាំង៣ខាងលើមកដល់ពេលនេះសមត្ថកិច្ចដែនទាំង៣ទីតាំងបានប្រគល់ឲ្យមន្ត្រីជំនាញនៃអង្គភាពCMAXរួចរាល់ហើយដើម្បីយកទៅរក្សាទុករង់ចាំធ្វើការកំទេចចោលនៅពេលក្រោយ៕
