ខេត្ដព្រៃវែង៖ ដីបឹងលាចសាធារណៈដែលមានទំហំជាង១០ហិតា របស់រដ្ឋ ដែលបម្រើប្រយោជន៍រួម តែផ្ទុយទៅវិញឥឡូវត្រូវក្រុមឈ្មួញ ដាក់គ្រឿងចក្រជីកកកាយយកអាចម៌ដី លក់យ៉ាងអាណាធិបតេយ្យ បណ្ដាលឱ្យស្ថានភាពបឹង ក្រហេងក្រហូងប៉ះដល់ប្រព័ន្ធអេកូស៊ី និងជីវៈចម្រុះ ថែមទាំងបាត់បង់រូបរាងដើមធម្មជាតិ។
ដីបឹងលាចនេះ ស្ថិតក្នុងភូមិពារាំង ឃុំរាប ស្រុកពារាំង ខេត្តព្រៃវែង។
ពលរដ្ឋបានឲ្យដឹងថា ដើមចមដំបូងបឹងលាចនេះ ពួកគាត់បានអាស្រ័យផលធ្វើស្រែប្រាំង និងដាំឈូកជាង១០ឆ្នាំមកហើយ
ខ្លះ១ហិកតាខ្លះពីរហិកតាយោងតាមក្បាលដីស្រែប្រាំងដែលរដ្ឋចែកឲ្យជាកស្តែង ចេះតែធ្វើតគ្នាៗតាំងពីដូនតាមកម្លេះ។ តែកាលពីអំឡុងឆ្នាំ២០២០.២០២១ថ្មីៗនេះ លោកមេឃុំរាបបានចេញលិខិតកោះហៅពួកគាត់ជាបន្តបន្ទាប់ ម្តងពីរគ្រួសារបីគ្រួសារ ឲ្យមកផ្តិតមេដៃបញ្ឈប់រាល់សកម្មភាពគ្រប់យ៉ាងនៅចំណុចបឹងលាចនេះ(ដោយសំអាងថារដ្ឋត្រូវការដកដីហ្នឹងវិញ)។
បន្ទាប់ពីដកដីពីពលរដ្ឋមិនបានមួយដង្ហើមចង្រិតផង ស្រាប់តែមានគ្រឿងចក្ររបស់ក្រុមឈ្មួញជីកលើកទំនប់ជុំវិញ រួចកាប់យកអាចម៌ដីលក់យ៉ាងពេញបន្ទុក។
ក្នុងនោះដែរគ្រឿងចក្រទាំងនោះបានជីកកកាយដីបឹងលាច
ដោយប្រើប្រាស់សុទ្ធតែរថយន្ដធំៗជាមធ្យោបាយសម្រាប់ដឹកជញ្ជូន។
ពលរដ្ឋបានលេីកឡេីងថាម្ចាស់គ្រឿងចក្រដឹកអាចម៌ដីឬម្ចាស់រថយន្ដ ស្រោចទឹកមិនដិតដល់
ជាហេតុនាំ មានធូលីដីហុយចូលផ្ទះពលរដ្ឋប៉ះពាល់ជាខ្លាំងពិបាកក្នុងរស់នៅ និងបង្កជាសំឡេងរំខាន ដល់ពួកគាត់ជារៀងរាល់ថ្ងៃ។
បេីក្រឡេកមេីលបឹងលាចឯណ្ណោះវិញ ខូចសោភ័ណ្ឌភាព ក្លាយទៅជាក្រហេងក្រហូង ដូចរណ្ដៅបាយខុម ព្រមទាំងមានជម្រៅជ្រៅៗជិតដល់ក្បាលប្រែត បើសិនមានសត្វគោក្របីធ្លាក់ចូលពិតជាមិនរស់ឡើយ។
ប្រភពបានបន្ដថា សង្ស័យតែអាជ្ញាធរឃុំរាបត្រូវរ៉ូវគ្នាហេីយមេីទៅបានជាអាចដំណើរបានយ៉ាងរលូនបែបនេះ។ហើយក្នុងមួយថ្ងៃមានរថយន្តរាប់សិបគ្រឿងសម្រុកដឹកជញ្ជូនអាចម៌ដីតាំងព្រឹករហូតដល់ព្រលប់។
ទោះបីជាយ៉ាងពលរដ្ឋសូមស្នើដល់អាជ្ងាធរពាក់ពន្ធ័ ជាពិសេសឯកឧត្ដម ជា សុមេធី អភិបាលខេត្តព្រៃវែង សូមមានវិធានការចំពោះគ្រឿងទាំងពីរក្រុមនេះផងទាន។
ជុំវិញករណីខាងលេីសារព័ត៌មានយើងមិនអាចសុំការបំភ្លឺពីម្ចាស់គ្រឿងចក្របានទេ ព្រោះគ្មានលេខទូរស័ព្ទ។
ចំពោះលោក ផេន សុផល មេឃុំរាបនៅរសៀលថ្ងៃទី០២ខែមេសា ឆ្នាំ២០២១នេះមិនអាចសំការបំភ្លឺបានទេដោយខលមិនចូល។
ចំណែកឯ លោក ហ៊ី ធួក អភិបាលស្រុកពារាំង បានថ្លែងប្រាប់នៅរសៀលថ្ងៃទី០២ ខែមេសា ឆ្នាំ២០២១នេះថា ការជីកស្តារដីបឹងលាចមានតែយកមកចាក់នៅគល់ស្ពានទេ ចាំសួរអាជ្ញាធរមូលដ្ឋានបន្ថែមទៅបានច្បាស់។
ចំពោះលោក ឃុន សាខឿន ប្រធានមន្ទីរធនធានទឹកខេត្តព្រៃវែង មិនអាចសុំកា របំភ្លឺបានទេនៅថ្ងៃទី០២ខែមេសាឆ្នាំ២០២១ ព្រោះគ្មានលេខទូរស័ព្វ។
ជុំវិញពាក់ព័ន្វរឿងរ៉ាវខាងលើសារព័ត៌មានយើងរង់ចាំបកស្រាយបំភ្លឺរៀងរាល់ម៉ោងធ្វើការពីភាគីពាក់ពន្ធ័៕
