ភ្នំពេញ ៖ នៅព្រឹកថ្ងៃសៅរ៍ ៦រោច ខែចេត្រ ឆ្នាំជូត ទោស័ក ព.ស.២៥៦៤ ត្រូវនឹងថ្ងៃទី០៣ ខែមេសា ឆ្នាំ២០២១ រដ្ឋបាលខណ្ឌចំការមន ដឹកនាំដោយលោក ថេង សុថុល អភិបាល នៃគណៈអភិបាលខណ្ឌចំការមន បានអញ្ជើញអមដំណើរ ឯកឧត្តម នួន ផារ័ត្ន អភិបាលរងរាជធានីភ្នំពេញ ចុះត្រួតពិនិត្យទីតាំងវិទ្យាល័យទួលទំពូង ដើម្បីត្រៀមរៀបចំកន្លែងចាក់វ៉ាក់សាំងកូវីដ-១៩ ជូនបងប្អូនប្រជាពលរដ្ឋ ដែលមានអាយុចាប់ពី ១៨ឆ្នាំ ទៅដល់ ៥៩ឆ្នាំ នៅក្នុងមូលដ្ឋានខណ្ឌចំការមន។
ជាមួយគ្នានោះផងដែរ លោកអភិបាលខណ្ឌចំការមន បានអញ្ជើញជួបសំណេះសំណាលជាមួយសិស្សពូកែត្រៀមចូលរួមការប្រកួតវេទិកាជជែកដេញដោលយុវជនថ្នាក់ជាតិ ឆ្នាំ២០២១ ដែលរៀបចំឡើងដោយក្រសួងអប់រំ យុវជន និងកីឡា ក្នុងនោះផងដែរ លោកអភិបាលខណ្ឌ បានឧបត្ថម្ភដល់សិស្សានុសិស្សចំនួន ០៥នាក់ ក្នុងម្នាក់ៗទទួលបានថវិកាមួយចំនួនផងដែរ៕
