ភ្នំពេញ ៖ ខ្ញុំបាទឈ្មោះ សៅ យ៉ាន ជាម្ចាស់ គណនីហ្វេសប៊ុកឈ្មោះ Sao Yan (https://www.facebook.com/sao.yan.33) សូមធ្វើការបដិសេធទៅលើ Account Facebook មួយដែលមានឈ្មោះថា “ប្រុស ទូច” ដែលបានលួចយករូបភាពរបស់ខ្ញុំបាទ ទៅប្រើប្រាស់ ដោយគ្មានការអនុញ្ញាត ហើយថែមទាំងផ្ញើសារផ្សេងៗទៅកាន់សាច់ញាតិ មិត្តភក្តិរបស់ខ្ញុំបាទទៀតផង ។
ខ្ញុំបាទសូមបដិសេធយ៉ាងដាច់អហង្កា និងមិនទទួលខុសត្រូវចំពោះសកម្មភាព ការផុស ឬសរសេរខ្លឹមសារផ្សេងៗ របស់គណនីខាងលើនេះ ដែលធ្វើឲ្យមានការភាន់ច្រឡំជាមួយនឹងអាខោនពិត របស់ខ្ញុំបាទ និង ប៉ះពាល់ដល់កិត្តិយស និងសេចក្តីថ្លៃថ្នូររបស់ក្រុមគ្រួសារយើងខ្ញុំផងដែរ ។
សូមម្ចាស់ Account Facebook ដែលមានឈ្មោះថា “ប្រុស ទូច” ត្រូវលុបរូបភាពរបស់ខ្ញុំបាទពី Account Facebook នេះជាបន្ទាន់ បើក្នុងករណី ម្ចាស់ Account facebook “ប្រុស ទូច” មិនលុបនោះទេ យើងខ្ញុំ នឹង ដាក់ពាក្យប្តឹងទៅ ស្ថាប័នមានសមត្ថកិច្ច ជាពិសេសក្រសួងមហាផ្ទៃ ដើម្បីពិនិត្យ ស្រាវជ្រាវ រកមុខជនខាងលើ មកទទួលខុសត្រូវចំពោះមុខច្បាប់ជាធរមាន ៕
