ភ្នំពេញ ៖ កាលពីវេលាម៉ោង ១៦និង០០ នាទីរសៀល ថ្ងៃសៅរ៍ ៣រោច ខែ ជេស្ឋ ឆ្នាំ ឆ្លូវ ត្រីស័ក ព.ស. ២៥៦៥ ត្រូវនិងថ្ងៃទី ២៩ ខែ ឧសភា ឆ្នាំ ២០២១ អាជ្ញាធរ ខណ្ឌមានជ័យ ដឹកនាំដោយ លោក ឌី រ័ត្នខេមរុណ អភិបាលរង ខណ្ឌមានជ័យ សហការជាមួយមន្រ្តីក្រសួងការងារ និងបណ្តុះបណ្តាលវិជ្ជាជីវៈ បានចុះផ្សព្វផ្សាយអោយកម្មកររោងចក្រ ទៅយកសំណាក ក្រោយរកឃើញអ្នកវិជ្ជមានឆ្លងចំនួន ៣៤នាក់ និងធ្វើកិច្ចសន្យាផ្អាកដំណើរការការងាររយៈពេល ២ថ្ងៃ រោងចក្រ (ស៊ីជីក្លរី ) ស្ថិតនៅ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ ដែលមានសមាសភាពចូលរួមមាន ៖
– លោក ទូច សុទ្ធមុត ប្រធានអន្តរាគមន៍ តំណាងកមរសួងការងារ ។
– លោក យុទ្ធ នី មេបញ្ជាការរង មូលដ្ឋានកងរាជអាវុធហត្ថខណ្ឌ ។
– លោក យាន ឧត្តម តំណាងសង្កាត់ស្ទឹងមានជ័យទី៣ ។
– លោក ឯម ភារី នាយប៉ុស្តិ៍នគរបាល រដ្ឋបាលស្ទឹងមានជ័យ៣ ។
– លោក ប៊ី ច័ន្ទរ៉ានី ប្រធានរដ្ឋបាល រោងចក្រ ស៊ីជីក្លរី ។
ក្រោយពីបានពិនិត្យរួច លោក ឌី រ័ត្នខេមរុណ អភិបាលរង ខណ្ឌមានជ័យ និង មន្រ្តីតំណាងក្រសួងការងារ បានពិនិត្យឃើញថា រោងចក្រ( ស៊ីជីក្លរី ) ស្ថិតផ្លូវទ្រង់មាន់ ភូមិដំណាក់ធំ៣ សង្កាត់ស្ទឹងមានជ័យទី៣ ខណ្ឌមានជ័យ ដែលមានកម្មករ កម្មការិនី សរុប ៨៣៥ នាក់ ស្រី ១៥០ នាក់ ក្នុងនោះដែរ បានរកឃើញ អ្នកវិជ្ជមាន មេរោគ កូវីដ-១៩ ១៣ នាក់( ករណីចាស់) និង អ្នកវិជ្ជមាន មេរោគ កូវីដ-១៩ (២១ នាក់ ករណីថ្មី) សរុប អ្នកវិជ្ជមាន កើតមេរោគកូវីដ-១៩ (៣៤ នាក់) / ៨៣៥ នាក់ ។
បន្ទាប់មក អាជ្ញាធរខណ្ឌមានជ័យ រួមទាំង តំណាងក្រសួងការងារ និងបណ្តុះបណ្តាលវិជ្ជាជីវៈ បានធ្វើការ សម្រេចផ្អាកដំណើរការការងារ រោងចក្រ រយៈពេល ២ថ្ងៃ គឺគិតត្រឹម ថ្ងៃទី ៣០ និងថ្ងៃទី ៣១ ខែ ឧសភា ឆ្នាំ ២០២១ ជាបណ្តោះអាសន្នសិន ។
ជាមួយគ្នានេះដែរ លោក ឌី រ័ត្នខេមរុណ អភិបាលរងខណ្ឌមានជ័យ បានគូសបញ្ជាក់ដែរថា ក្រោយផ្អាករយៈពេល ២ថ្ងៃ រោងចក្រ ត្រូវរងចាំក្រុមការងារបច្ចេកទេសចម្រុះ ចុះមកពិនិត្យ វាយតម្លៃ និងហានីភ័យជាក់ ស្តែងនៅក្នុងរោងចក្រផ្ទាល់ ទើបអនុញ្ញាតអោយដំណើរការការធម្មតាវិញ ៕
