ខេត្ដកំពង់ចាម៖ នៅថ្ងៃចុងសប្តាហ៍ ថ្ងៃទី៣០ ខែឧសភា ឆ្នាំ២០២១ លោក សំ ពិសិដ្ឋ ប្រធានក្រុមការងារសាខាសមាគម សិស្ស និស្សិត បញ្ញវន្ត ក្មេងវត្តខេត្តកំពង់ចាម អមដោយសមាជិក សមាជិកាក្រុមការងារសាខា បានចុះផ្សព្វផ្សាយនូវវិធានការការពារ និងទប់ស្កាត់ការឆ្លងរាលដាលនៃជំងឺកូវីដ-១៩ ក្មុងព្រឹត្តិការណ៍សហគម២០-កុម្ភៈ និងបាននាំយកនូវទេយ្យវត្ថុ និងបច្ច័យ ដែលជាមូលនិធិរបស់ឯកឧត្តម ហ៊ុន ម៉ានិត ប្រធានគណៈអចិន្ត្រៃយ៍សមាគម និងឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម ប្រគេនដល់ព្រះសង្ឃគង់នៅវត្តអម្ពវនារាម ទួលស្វាយជ្រុំ ហៅវត្តចំការអណ្តូង និងវត្តច័ន្ទមុន្នីវង្សី ហៅវត្តលេខ១ ស្ថិតនៅក្នុងឃុំចំការអណ្តូង ស្រុកចំការលើ ខេត្តកំពង់ចាម ក្នុងបរិបទនៃជំងឺកូវីដ-១៩។
ចំពោះទេយ្យវត្ថុ និងបច្ច័យក្នុងមួយវត្តៗ រួមមាន÷ អង្ករ៥ការ៉ុង មី២កេស ម៉ាស៥ប្រអប់ ទឹកត្រី១យួរ ទឹកសុីអុីវ១យួរ ទឹកអាល់កុល៥លីត្រ និងបច្ច័យចំនួន ២០០.០០០៛។
ឆ្លៀតក្នុងឱកាសនោះ លោកប្រធានក៏បានផ្សព្វផ្សាយអំពីគោលការណ៍របស់សមាគម ដើម្បីបញ្ជ្រាបដល់ព្រះតេជគុណនិងពុទ្ធបរិស័ទនៅមូលដ្ឋានអោយបានយល់កាន់តែច្បាស់នូវបេសកកម្ម និងចក្ខុវិស័យរបស់សមាគមផងដែរ៕
