ខេត្ដកំពង់ចាម៖ ព្រឹកថ្ងៃទី ១៣ ខែមិថុនា ឆ្នាំ ២០២១ ឯកឧត្តម អ៊ុន ចាន់ដា អភិបាលនៃគណៈអភិបាលខេត្តកំពង់ចាម និងលោកជំទាវ និងឯកឧត្តម ខ្លូត ផន ប្រធានក្រុមប្រឹក្សាខេត្ត និង ព្រមទាំងថ្នាក់ដឹកនាំខេត្តរួមមាន ឯកឧត្តម លោកជំទាវអភិបាលរងខេត្ត ឯកឧត្តម លោកជំទាវ សមាជិកក្រុមប្រឹក្សាខេត្តក្រុមលោក លោកស្រីប្រធានមន្ទីរ អង្គភាពជុំវិញខេត្ត បានអញ្ជើញគោរពវិញ្ញាណក្ខន្ធសព លោកស្រី ហម អុីម ដែលត្រូវជាភរិយាលោកប៉ាន់ ប៉េង និងជាម្ដាយបង្កើតរបស់លោក ផេន សុផល អភិបាលនៃគណៈអភិបាលស្រុកបាធាយ។
សូមបញ្ជាក់ថា សព លោកស្រី ហម អុីម បានទទួលមរណភាពកាលពីថ្ងៃ សោរ៍ ៣កើត ខែបឋមសាឍ ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី១២ ខែមិថុនា ឆ្នាំ២០២១ វេលាម៉ោង ២:១២ នាទីរសៀល ក្នុងជន្មាយុ ៦៥ឆ្នាំ ដោយរោគាពាធ នៅគេហដ្ឋាន សព ក្នុងសង្កាត់វាលវង់ ក្រុងកំពង់ចាម ខេត្តកំពង់ចាម ។
នៅក្នុងឱកាសនោះក៏មានវត្តមានលោកជំទាវសមាជិកព្រឹទ្ធសភា រដ្ឋសភា ប្រចាំខេត្តកំពង់ចាមចូលរួមផងដែរ៕
