ភ្នំពេញ៖ ប៉ុស្តិ៍នគរបាលរដ្ឋបាលគោកឃ្លាង ឃាត់ខ្លួនជនសង្ស័យម្នាក់ ក្រោយពីធ្វើសកម្មភាពឆក់ទូរស័ព្ទដៃពីបុរសជនជាតិម្នាក់មិនបានសម្រេចករណីនេះកើតឡើងនៅវេលាម៉ោង១៥ និង០០នាទីថ្ងៃទី១៣ ខែមិថុនា ឆ្នាំ២០២១ នៅចំណុចតាមផ្លូវសម្តេចជាស៊ីម ម្តុំផ្សារបឹងបៃតង ភូមិច្រេស សង្កាត់គោកឃ្លាង ខណ្ឌសែនសុខ។
ប្រភពពីនគរបាលប៉ុស្តិ៍គោគឃ្លាងបានអោយដឹងថា៖ជនសង្ស័យមានឈ្មោះ អ វ ឌ ភេទប្រុស អាយុ១៥ឆ្នាំ ជនជាតិខ្មែរ មុខរបរគ្មាន ស្នាក់នៅបន្ទប់ជួល ភូមិព្រៃព្រីងខាងត្បូង សង្កាត់ចោមចៅទី៣ ខណ្ឌពោធិ៍សែនជ័យ គ្មានសារធាតុញៀន។
ប្រភពដ៏ដែលបានបន្តថា មុនពេលកើតហេតុជនសង្ស័យមានគ្នា០៤នាក់ បានជិះម៉ូតូ២គ្រឿងធ្វើសកម្មភាពឆក់យកទូរសព្ទ័ដៃ០១គ្រឿង ម៉ាកអាយហ្វូនប្រូ១១មិនបានសម្រេច ពីជនរងគ្រោះឈ្មោះ HUANG CHANGLIN ភេទប្រុស អាយុ៤១ឆ្នាំ ជនជាតិចិន កាន់លិខិតឆ្លងដែនលេចEC8023296 មុខរបរបុគ្គលិកកម្មង់ទំនិញមជ្ឈមណ្ឌលរតនៈសម្បត្តិ ស្នាក់នៅបន្ទប់ជួល ភូមិក្បាលដំរី សង្កាត់កាកាប១ ខណ្ឌពោធិ៍សែនជ័យ ។ តែមិនបានសម្រេចត្រូវសមត្ថកិច្ចឃាត់ខ្លួនបានជនសង្ស័យម្នាក់ខាងលើចំណែកបក្ខពួក០៣នាក់ទៀតរត់គិចខ្លួនគឺមាន (ឈ្មោះ រ៉ា , ឈ្មោះ ណាក់ និងម្នាក់ទៀតមិស្គាល់ឈ្មោះ)។
សម្ភារៈបាត់បង់ គ្មាន , សម្ភារៈបន្សល់ទុក ម៉ូតូ០១គ្រឿង ម៉ាកហុងដាសេ១២៥ ពណ៌ខ្មៅ ផលិតឆ្នំា ២០២១ ពាក់ស្លាកលេខភ្នំពេញ1P-7363 របស់ជនសង្ស័យ , ទូរសព្ទ័ដៃ០១គ្រឿង ម៉ាកអាយហ្វូនប្រូ១១ ប្រគល់ឲ្យជនរងគ្រោះវិញ ។
បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធីច្បាប់៕
