ខេត្តបន្ទាយមានជ័យ៖ ឃាត់ខ្លួនយុវជន៣នាក់លួចលក់ថ្នាំញៀនជាទ្រង់ទ្រាយធំនៅចំកណ្តាលស្រុកមង្គលបូរីនិងដកហូតវត្ថុតាងថ្នាំញៀន៣ថង់ នគរបាលឃាត់ខ្លួនបាននៅវេលាម៉ោង៦និង៣០នាទីយប់ថ្ងៃទី៣០ខែមិថុនា ឆ្នាំ២០២១ នៅចំណុចវាលស្រែប្រឡាយឯកភាពស្ថិតនៅភូមិពង្រ ឃុំបន្ទាយនាង ស្រុកមង្គលបូរី ខេត្តបន្ទាយមានជ័យ ។
លោកវរសេនីយ៍ឯក ស៊ិន ណារ៉ាក់ អធិការនគរបាលស្រុកមង្គលបូរី បានឲ្យដឹងថាជនសង្ស័យទាំង៣នាក់ មាន១ឈ្មោះ សំ មេសា ភេទប្រុសអាយុ ២០ ឆ្នាំ ភូមិប្រឡាយហ្លួងលើ ឃុំឬស្សីក្រោកស្រុកមង្គលបូរី
២ឈ្មោះហយ សុភាភេទប្រុស អាយុ២២ឆ្នាំភូមិកោះកែវឃុំឬស្សីក្រោកស្រុកមង្គលបូរី ៣ឈ្មោះ ឌឿន ចិនភេទប្រុសអាយុ ២៥ ឆ្នាំ ភូមិបន្ទាយនាងឃុំបន្ទាយនាង ស្រុកមង្គលបូរី ។
លោកបានបញ្ជាក់ឲ្យដឹងបន្តទៀតថាឃាត់ខ្លួនអ្នកលក់ថ្នាំញៀមនេះបានដោយអនុវត្តតាមបទបញ្ជារបស់លោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យឲ្យកំលាំងនគរបាលចុះល្បាតបង្ក្រាបបទល្មើសជាប្រចាំ។
លោកបានបញ្ជាក់ឲ្យដឹងទៀតថាស្របពេលនោះប្រជាពលរដ្ឋបានរាយការណ៍មកថាមានជនសង្ស័យកំពុងលួចលក់ថ្នាំញៀនយ៉ាងសកម្មកម្លាំងអធិការដ្ឋាននគរបាលស្រុកមង្គលបូរីចុះដល់កន្លែងស្រាប់ឃើញមានរថយន្តមួយគ្រឿងម៉ាក camry ស៊េរីឆ្នាំ94 ពាក់ស្លាកលេខភ្នំពេញ2F.4940 ពណ៌សំបកឪឡឹកបើកមកឈប់នៅចំណុចវាលស្រែប្រឡាយឯកភាពនេះក្នុងនោះមានមនុស្ស២នាក់បានបើកទ្វារឡានចុះពីលើរថយន្ត និងម្នាក់ទៀតនៅលើរថយន្ត កម្លាំងសមត្ថកិច្ចបាន
ឃាត់ខ្លួនមនុស្សនាក់និងរថយន្តមួយគ្រឿង។
ពេលសមត្ថកិច្ចបានត្រួតពិនិត្យក្នុងរកឃើញថ្នាំញៀនប្រភេទម្សៅពណ៌សក្រាម(អាយស៍)ចំនួន៣កូនថង់ ដែលជនសង្ស័យច្រកក្នុងថង់ពណ៌ខ្មៅហើយលាក់ទុក នៅលក្នុងគុម្ពស្មៅ ។
បើតាមចម្លើយសារភាពរបស់ឈ្មោះ សំ មេសាថា ថ្នាំញៀននេះជារបស់ខ្លួន ។
ផ្អែកលើចម្លើយសារភាពវត្ថុតាងថ្នាំញៀននិងរថយន្តកម្លាំងនគរបាលផ្នែកប្រឆាំងបទល្មើសគ្រឿងញៀនរៀបចំសំណុំរឿងបញ្ជូនខ្លួនមកការិយាល័យប្រឆាំងបទល្មើសគ្រឿងញៀននៃស្នងការដ្ឋាននគរបាលខេត្តបន្ទាយមានជ័យ ដើម្បីចាត់ការបន្តតាមនិតិវិធីច្បាប់៕ដោយ៖លោកចាន់ ពុធ
