ខេត្តកំពង់ឆ្នាំង ៖ កាលពីថ្ងៃព្រហស្បតិ៍ ១៤រោច ខែបឋមាសាឍ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី ០៨ ខែ កក្កដា ឆ្នាំ២០២១ វេលាម៉ោង១៦និង០០នាទី មានករណីរលាកទឹកក្ដៅបណ្ដាលអោយក្មេងម្នាក់ស្លាប់ ឈ្មោះ ហូ លៀងគី ភេទស្រី អាយុ ១០ខែ។ ឳពុកមាន ឈ្មោះ ហូ ប៊ុនធឿន អាយុ ៤២ ឆ្នាំ និង ម្ដាយមានឈ្មោះ មន ស្រីណែត អាយុ ២៩ ឆ្នាំ រស់នៅភូមិត្រពាំងក្របៅ ឃុំខ្លុងពពក ស្រុកទឹកផុស ខេត្តកំពង់ឆ្នាំង។
មូលហេតុបណ្ដាលមកពី ម្ដាយរបស់ក្មេងបានដាំទឹកក្តៅនឹងឆ្នាំង ពេលដាំពុះហើយបានចាក់ចូលកំសៀវ រួចម្តាយយកឆ្នាំងដាំទឹកនោះទៅទុក ភ្លេចមើលកូន ស្រាប់តែកូនទៅទាញកំសៀវនោះលេង បណ្ដាលអោយទឹកស្រោចរលាកកូនស្លាប់តែម្តង៕
