លោក ម៉េត មាសភក្តី អ្នកនាំពាក្យសាលារាជធានីភ្នំពេញបានសរសេរនៅលើបណ្តាញសង្គមហ្វេបុកផ្ទាល់ខ្លួនរបស់លោកដែលមានខ្លឹមសារដើមទាំងស្រុងថា ៖ “ស្រលាញ់បុត្រធីតា ការពារអាយុជីវិតពួកគាត់ សូមនាំទៅចាក់វ៉ាក់សាំង!”
យុទ្ធនាការចាក់វ៉ាក់សាំងកូវីដ-១៩ ដល់កុមារ និងយុវវ័យ អាយុចាប់ពី ១២ឆ្នាំ ដល់ក្រោម ១៨ឆ្នាំ ចាប់ផ្តើមពីថ្ងៃទី០១ ខែសីហា ឆ្នាំ២០២១
តើត្រូវធ្វើដូចម្តេច?
១/. ត្រៀមឯកសារបញ្ជាក់អត្តសញ្ញាណរបស់អ្នកត្រូវចាក់វ៉ាក់សាំង ដូចជា សំបុត្រកំណើត អត្តសញ្ញាណប័ណ្ណ សៀវភៅស្នាក់នៅ សៀវភៅគ្រួសារ ឬលិខិតឆ្លងដែន Passport (ណាមួយក៏បាន)
២./ បំពេញទំរង់លិខិតព្រមព្រៀងអនុញ្ញាតឱ្យចាក់វ៉ាក់សាំង ដែលមានផ្តិតមេដៃរបស់អាណាព្យាបាល (ទាញយកគំរូខាងក្រោមនេះ ឬទំនាក់ទំនងជាមួយសង្កាត់ដើម្បីស្នើសុំ)
៣./ មានលិខិតអញ្ជើញទៅចាក់វ៉ាក់សាំង ចេញដោយសង្កាត់
ឪពុកម្ដាយ ឬអាណាព្យាបាល សូមនាំបុត្រធីតាទៅចាក់វ៉ាក់សាំង ដោយយកភ្ជាប់ជាមួយឯកសារទាំងបីមុខនេះ ទៅកាន់ទីកន្លែងចាក់វាំក់សាំងដែលបានកំណត់ និងតាមពេលវេលាដែលបានបញ្ជាក់ជូនក្នុងលិខិតអញ្ជើញ។
