ភ្នំពេញ ៖ រឿងដ៍លំបាក និងកំសត់ជូរចត់ បានកើតឡើងលើស្ត្រី ម្នាក់ស្ទើរឆ្លងឧបសគ្គ មិនរួច។
ស្ត្រីកំសត់ម្នាក់នោះ ត្រូវបានគេស្គាល់ឈ្មោះថា លី សុផា ភេទស្រីអាយុ ២៨ឆ្នាំ រស់នៅឯខេត្តព្រៃវែង ព្យាយាមសម្រាលកូនតែម្នាក់ឯង ដោយមិនមានប្តី ឬសាច់ញាតិ នៅក្នុងបន្ទប់ជួល ភូមិត្រពាំងថ្លឹង១ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ កាលពីវេលាម៉ោង១យប់ថ្ងៃទី០៤ ខែសីហា ឆ្នាំ២០២១ ។
ក្រោយពីបានទទួលដំណឹងពីម្ចាស់ផ្ទះជួល លោក សឿង រតនា បានចាត់ឲ្យលោកស្រី នូ សុភាព មេភូមិត្រពាំងថ្លឹង១ ចុះទៅដល់ទីតាំងបន្ទប់ជួលដើម្បីនាំក្រុមគ្រូពេទ្យជួយ សង្គ្រោះហើយយកទៅសម្រាកព្យាបាល នៅមន្ទីរពេទ្យសុខលាភ មេត្រី។
ដោយក្តីអាណិតអាសូរ សប្បុរសជន បានជួយឧបត្ថម្ភ ដល់ស្ត្រី កំសត់ខាងលើ រួមមាន៖
ម្ចាស់ផ្ទះជួល ជួយថ្លៃសេវាសម្រាកព្យាបាលចំនួន ២៨០$ (ពីរយប៉ែតសិបដុល្លារ)។
លោក សឿង រតនា លោកស្រី នូ សុភាព មេភូមិត្រពាំងថ្លឹង១ បានគៀងគរសប្បុរសជន ឧបត្ថម្ភ ថវិកា មួយចំនួនទៀត ផងដែរ។
សូមបញ្ជាក់ផងដែរថា ស្ត្រីកំសត់ខាងលើ មានជីវភាពខ្វះខាត ហើយព្យាយាមសម្រាលកូនម្នាក់ឯងក្នុងថ្លុកឈាម គ្មានប្តី និងសាច់ញាតិ នោះបច្ចុប្បន្ន មិនមានមុខរបរពិតប្រាកដ នោះទេ គឺជួយលក់សម្លៀកបំពាក់នៅខាងមុខរោងចក្រ អោយគេ បានកំរ៉ៃខ្លះ គ្រាន់ចិញ្ចឹមក្រពះ។
ក្រុមការងារយើង បានសាកសួរស្ត្រីខាងលើ ពីឪពុកក្មេងនោះដែរ តែគាត់មិនបានប្រាប់ ថានណាជាឳពុកក្មេងនោះទេ៕
