ខេត្តកណ្តាល ៖ សមត្ថកិច្ចឃាត់ខ្លួនជនសង្ស័យម្នាក់ពាក់ព័ន្ធករណីលួចកូនដើមដូងរបស់ប្រជាពលរដ្ឋចំនួន ០៦ដើមនៅចំណុចភូមិព្រែកប៉ាង ឃុំកោះខែល ស្រុកស្អាង ខេត្តកណ្ដាល នៅម៉ោង ០៤ និង ០០នាទីកាលពីថ្ងៃទី០១ ខែកញ្ញា ឆ្នាំ២០២១។
បើយោងតាមរបាយការណ៍របស់សមត្ថកិច្ចបានឲ្យដឹងថាបានឃាត់ខ្លួនជនសង្ស័យម្នាក់មានឈ្មោះ អឿន ហ៊ ហៅ លី ភេទប្រុស អាយុ១៩ឆ្នាំ ជនជាតិខ្មែរ មុខរបរមិនពិតប្រា កដមានទីលំនៅភូមិរកា ឃុំស្នោ ស្រុកព្រៃកប្បាស ខេត្តតាកែវ ។
វត្ថុតាងចាប់យកបានរួមមាន៖១. ម៉ូតូសណ្ដោងរ៉ឺម៉ក ០១គ្រឿង ម៉ាក សង់កូរ៉េ គ្មានផ្លាកលេខ។
២. កូនដូង ចំនួន ០៦ដើម។
ជនរងគ្រោះម្នាក់មានឈ្នោះ ខ្លង លីហូវ ភេទប្រុស អាយុ៣៩ឆ្នាំ ជនជាតិខ្មែរ មុខរបរលក់ដូរ មានទីលំនៅភូមិព្រែកប៉ាង ឃុំកោះខែល ស្រុកស្អាង ខេត្តកណ្ដាល ។
សមត្ថកិច្ចបានបន្តទៀតថា កន្លងមកប្រជាពលរដ្ឋនៅក្នុងភូមិព្រែកប៉ាង ឃុំកោះខែល ស្រុកស្អាង ខេត្តកណ្ដាល តែងតែបាត់កូនដូងដែលបានដាក់លក់នៅមុខផ្ទះជាញឹកញាប់។ នៅថ្ងៃទី០១ ខែកញ្ញា ឆ្នាំ២០២១ វេលាម៉ោង៤និង០០នាទី ជនរងគ្រោះកំពុងតែដេកនៅក្នុងតូបលក់អីវ៉ាន់របស់ខ្លួន ពេលនោះជនរងគ្រោះក៏បានឮសំឡេងឆ្កែព្រុស និងសំឡេងម៉ូតូបើកចេញពីក្នុងតូបលក់អីវ៉ាន់របស់ខ្លួន ភ្លាមនោះជនរងគ្រោះបានចេញមកមើលអីវ៉ាន់របស់ខ្លួនស្រាប់តែបាត់កូនដូងដែលដាក់លក់នៅមុខតូបចំនួន ០៦ដើម ដោយមានការសង្ស័យរ៉ឺម៉កជនសង្ស័យ ភ្លាមនោះជនរងគ្រោះក៏បានជិះកង់តាមពីក្រោយ លុះមកដល់ចំណុចព្រំប្រទល់ឃុំកោះខែល និងឃុំព្រែកអំបិល ក៏ឃើញស្គាល់ជាកូនដូងរបស់ខ្លួននៅលរ៉ឺម៉ករបស់ជនសង្ស័យ ក៏ស្រែកអោយជនសង្ស័យឈប់ ខណៈនោះជនសង្ស័យបានឃើញជនរងគ្រោះក៏បានឈប់រ៉ឺម៉កហើយរត់គេចខ្លួន។
ក្រោយមកត្រូវបានជនរងគ្រោះឃាត់ខ្លួនបាន រួចក៏បានតេទូរស័ព្ទប្ដឹងទៅសមត្ថកិច្ចនគរបាលប៉ុស្តិ៍ខែលរួចប្រគល់អោយសមត្ថកិច្ចដើម្បីចាត់ការតាមនីតិវិធី ៕
