ខេត្តស្វាយរៀង ៖ ព្រឹកថ្ងៃទី១៣ ខែកញ្ញា ឆ្នាំ២០២១ លោកជំទាវ ឱ វណ្ណឌីន រដ្ឋលេខាធិការ ក្រសួងសុខាភិបាល និងជាប្រធានគណកម្មការចំពោះកិច្ចចាក់វ៉ាក់សាំងកូវីដ ១៩ ក្នុងក្របខ័ណ្ឌទូទាំងប្រទេស បាននាំយកនូវរង្វាន់លើកទឹកចិត្តរបស់ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ប្រគល់ជូនលោកយាយដែលមានអាយុ ១០០ឆ្នាំ ដែលបានស្ម័គ្រចិត្តចាក់វ៉ាក់សាំងការពារជំងឺកូវីដ ១៩ ចំនួន ០២នាក់ ក្នុងស្រុកស្វាយជ្រំ។
១. លោកយាយ សៅ នាង អាយុ ១០០ឆ្នាំ មានទីលំនៅភូមិតារាក់ ឃុំឈើទាល ស្រុកស្វាយជ្រំ ខេត្តស្វាយរៀង
២. លោកយាយ ជ័យ ពៅ អាយុ ១០០ឆ្នាំ មានទីលំនៅភូមិត្រពាំងធ្លក ឃុំពោធិរាជ ស្រុកស្វាយជ្រំ ខេត្តស្វាយរៀង ដែលក្នុងនោះលោកយាយម្នាក់ៗទទួលបាន៖
– ថវិកាចំនួន ៣លានរៀល
– អង្ករចំនួន ២៥គីឡូក្រាម
– ទឹកសុទ្ធចំនួន ០២កេស
– មីចំនួន ១២កេស
– ប្រេងឆាចំនួន ០២ដប
– ទឹកស៊ីអីវចំនួន ០២យួ
– ត្រីខចំនួន ០១កេស
– ស្កសចំនួន ០២គីឡូក្រាម
លោកជំទាវក៏បានមានប្រសាសន៍សាកសួរសុខទុក្ខ និងជូនពរលោកយាយទាំងពីរឲ្យមានសុខភាពល្អ ជៀសផុតពីជំងឺកាចសាហាវផ្សេងៗ។ លោកជំទាវក៏បានបន្ថែមទៅលើការថែរក្សាអនាម័យ និងសុខភាពដើម្បីជៀសផុតពីជំងឺកូវីដ ១៩ ដោយត្រូវអនុវត្តនូវវិធានការសុខាភិបាលឲ្យបានខ្ជាប់ខ្ជួន ជាពិសេសគឺវិធានការ ៣ការពារ ៣កុំ។
