កំពង់ស្ពឺ៖ថ្ងៃទី២១ ខែកញ្ញា ឆ្នាំ២០២១ នេះលោកវរសេនីយ៍ទោ សោម ពុទ្ធតារា មេបញ្ជាការ មូលដ្ឋានកងរាជអាវុធហត្ថស្រុកឱរ៉ាល់ ដឹកនាំកម្លាំងចាប់តាដីការបស់តុលាការ បានចំនួន០១នាក់ ។ ករណីចាប់ខ្លួននេះធ្វើឡើងនៅក្នុងភូមិគោក ឃុំសង្កែសាទប ស្រុកឱរ៉ាល់ ។
ជនដែលត្រូវចាប់មាន ឈ្មោះ ណាក់ រីដា ភេទប្រុស អាយុ១៧ឆ្នាំ ជាតិខ្មែរ ទីកន្លែងកំណើត ភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ ទីលំនៅបច្ចុប្បន្ន ភូមិច្រកទៀក ឃុំត្រពាំងជោ ស្រុកឱរ៉ាល់ ខេត្តកំពង់ស្ពឺ តាមដីកាបង្គាប់ឱ្យចាប់ខ្លួន-ឃុំខ្លួន លេខ ៣៧៦ ដបច ចុះថ្ងៃទី៣១ ខែឧសភា ឆ្នាំ២០២១ របស់ចៅក្រមជំនុំជម្រះ ថៃ គឹមមុនី នៃសាលាដំបូងខេត្តកំពង់ស្ពឺ ។
បច្ចុប្បន្ន ជនខាងលេីនេះត្រូវបានបញ្ជូនទៅ បញ្ជាការដ្ឋានខេត្តកំពង់ស្ពឺ ដេីម្បីចាត់ការបន្តតាមនីតិវិធី ។
