ខេត្ដស្វាយរៀង៖ នៅព្រឹកថ្ងៃចន្ទ ៦រោច ខែភទ្របទ ឆ្នាំឆ្លូវ ត្រីស័ក ព.ស២៥៦៥ ត្រូវនឹងថ្ងៃទី២៧ ខែកញ្ញា ឆ្នាំ២០២១ ឯកឧត្តម តូច ប៉ូលីវ៉ា អភិបាលរង នៃគណៈអភិបាលខេត្តស្វាយរៀង តំណាង ឯកឧត្តម ម៉ែន វិបុល អភិបាលខេត្ត បានអញ្ជើញជាគណៈអធិបតីក្នុងកិច្ចប្រជុំ ស្តីពី ការផ្សព្វផ្សាយអំពីការពិនិត្យបញ្ជីឈ្មោះ និងការចុះឈ្មោះបោះឆ្នោត ឆ្នាំ២០២១ តាមប្រព័ន្ធវីដេអូអនឡាញ ZOOM ដោយមានការអញ្ជើញចូលរួមពី លោក សុខ សាគុន ប្រធានលេខាធិការដ្ឋានរៀបចំការបោះឆ្នោតខេត្តស្វាយរៀង លោក ឯម សុត ជំនួយការ គ .ជ .ប ប្រចាំការនៅលេខាធិការដ្ឋានរៀបចំការបោះឆ្នោតខេត្តស្វាយរៀង លោក លោកស្រី ប្រធាន អនុប្រធានមន្ទីរនានាចំណុះរដ្ឋបាលសាលាខេត្តស្វាយរៀង លោកអភិបាល អភិបាលរង ក្រុង ស្រុក ទាំង៨។
ក្នុងកិច្ចប្រជុំនេះ ឯកឧត្តម តូច ប៉ូលីវ៉ា ក្នុងនាមឯកឧត្តម អភិបាលខេត្ត បានដាក់ចេញនូវគោលការណ៍ណែនាំមួយចំនួនដល់គ្រប់ភាគីពាក់ព័ន្ធដើម្បីយកទៅអនុវត្តអោយមានប្រសិទ្ធភាពខ្ពស់ផងដែរ ៕
