ខេត្តស្វាយរៀង ៖ ប្រជាពលរដ្ឋជាច្រើនគ្រួសារនៅភូមិត្របែកដែលមានទំនាស់រឿងរ៉ាវដីធ្លីជាយូមកហើយជាមួយម្ចាស់ដីដែលមានការសាងសង់ចេតដី ហើយពលរដ្ឋថាបានសង់របងរំលោភលើដីប្រឡាយរបស់រដ្ឋបិតផ្លូវទឹកស្ថិតនៅភូមិត្របែក ឃុំស្វាយជ្រំ ស្រុកស្វាយជ្រំ ខេត្តស្វាយរៀងនោះ ពេលនេះត្រូវបានដោះស្រាយបញ្ចប់ហើយ ។
បើយោងតាមសំដីលោកអ៊ុំប្រុស ព្រាប សុន អាយុ ៨៣ឆ្នាំ ដែលរស់នៅក្នុងភូមិនោះបានប្រាប់អ្នកសារព័ត៌មានយើងថា៖ កន្លងមកនៅទីតាំងនេះមិនមានរបងថ្មដូចពេលនេះនោះទេគឺមានតែចេតដី និងរបងខ្សែរលួសចាស់ៗយូណាស់មកហើយ ហើយទួលនេះមានតាំងពីបុរាណមកម្លេះ ។
រីឯលោក ពៅ ប៉ូ ដែលជាមេភូមិត្របែកបានបញ្ជាក់ប្រាប់អ្នកសារព័ត៌មានយើងថា កន្លងមកអាជ្ញាធរឃុំនិងស្រុកក៍បានខ្នះខ្នែងចំពោះការដោះស្រាយដែររឿងផ្លូវទឹកហូរនិងរបងលួសនោះដែរ លោកបានបន្ថែមថាអ្វីដែលប្រជាពលរដ្ឋចង់បាននោះគឺធ្វើយ៉ាងណាឲ្យមានផ្លូវទឹកហូរ ។
ចំណែកលោក កែវ ហាន មេឃុំស្វាយជ្រំបានបញ្ជាក់បន្ថែមថា៖ រឿងរ៉ាវដែលកើតឡើងគឺដោយសារម្ចាស់ទីតាំងមានការយឿតយ៉ាវក្នុងការដាក់ប្រព័ន្ធលូបង្ហូទឹក ដូច្នេះក្នុងនាមលោកជាអាជ្ញាធរឃុំសូមសំណូមពរឲ្យម្ចាស់ទីតាំដីខាងលើនេះពន្លឿនក្នុងការស្ថាបនាលូដើម្បីបញ្ចប់រឿង។
ពាក់ព័ន្ធនឹងរឿងរ៉ាវនេះ លោក ហែម សារិទ្ធ អភិបាលនៃគណៈភិបាលស្រុកស្វាយជ្រំ បានបញ្ជាក់ប្រាប់អ្នកសារព័ត៌ មានយើងថា ពាក់ព័ន្ធករណីជម្លោះរវាងប្រជាពលរដ្ឋ និង ម្ចាស់ដីដែលបានធ្វើចេតដីនោះបានដោះស្រាយគ្នារួចរាល់ហើយពោលគឺ ទី១រឿងរបងលួសកាលពីមុនត្រូវបានរុះរើរួចហើយ។
ទី២ រឿងផ្លូវបង្ហូរទឹកពេលនេះម្ចាស់ទីតាំងបានដាក់លូដើម្បីឲ្យមានផ្លូវទឹកដែលមានមុខកាត់មួយម៉ែត្រ។
ជាមួយគ្នានេះលោកអភិបាលស្រុកក៍បានបញ្ជាក់បន្ថែមថាពាក់ព័ន្ធការសាសង់របងដែលជាសំណង់រឹងអាជ្ញាធរមិនបានអនុញាតិនោះទេ។
ដោយឡែកម្ចាស់ទីតាំងឧបាសិកា គង់ សំអាត បានចាត់ឲ្យតំណាងមកបញ្ចាក់ប្រាប់អ្នកសារព័ត៌មានយើងថាដីរបស់គាត់គឺមានប្លង់ត្រឹមត្រូវ តែបើរឿងសាងសង់របងរបស់គាត់ពិតជារំលោភលើដីរដ្ឋមែននោះ ហើយប្រសិនបើរដ្ឋត្រូវការពេលណា ក្រុមគ្រួសារលោកនិងស្មាក់ចិត្តរុះរើដោយខ្លួនឯង ។ ចំណែកផ្លូវទឹកលោកបានដាក់លូដែលមានមុខកាត់មួយម៉ែត្ររហូតផុតព្រំដីរបស់គាត់រួចរាល់ឲ្យបានរួចរាល់។ ប៉ុន្តែការស្ថាបនាដាក់លូដោយមានការយឹតយ៉ាវនេះដែរ ដោយសារមានភ្លៀងធ្លាក់ ទើបគ្រឿងចក្រពិបាកចេញចូលបាន តែនឹងធ្វើឲ្យហើយ នៅក្រោយភ្លៀង ។
ជាមួយគ្នានេះបងប្អូនប្រជាពលរដ្ឋនៅតំបន់នោះក៏បានឯកភាពយល់ព្រមនូវដំណោះស្រាយតាមគោលការណ៍ឈ្នះ ឈ្នះ ពោលគឺព្រមទទួលយកបានទាំងសង្ខាង ។ ប្រជាពលរដ្ឋក៏បានថ្លែងអំណរ ៊គុណដល់អាជ្ញាធរទាំងអស់ដែលបានជួយដោះស្រាយបញ្ហាដីធ្លីខាងលើនេះប្រកបដោយជោគជ័យសម្រាប់ភាគីទាំងសង្ខាងផងដែរ ៕
