ខេត្ដព្រៃវែង៖ បែកធ្លាយ! សមត្ថកិច្ចស្រុកពារាំង ខេត្ដព្រៃវែងបានធ្វើការចុះបង្ក្រាបក្រុមចោរលួចម៉ូតូដោយឃាត់ខ្លួនបានជនសង្ស័យចំនួន៣នាក់ ដោយឡែកក្រោយពីសមត្ថកិច្ចស្រុកពារាំងបានធ្វើការឃាត់ខ្លួនជនសង្ស័យបានហើយនោះ ស្រាប់តែក្រុមចោរពីរនាក់ត្រូវបានរត់ចេញស្ងាត់ៗបាត់ស្រមោលដោយសុវត្ថិភាពមិនដឹងមូលហេតុ។
សូមរម្លឹកដែរថាកាលពីនៅថ្ងៃទីនៅថ្ងៃទី១១ ខែតុលាឆ្នាំ ២០២១វេលាម៉ោង ១០និង៣០នាទីព្រឹកនៅចំណុចទួលចាអោកខាងកើតភូមិកំពង់ទ្រា ឃុំមេសរប្រចាន់ ស្រុកពារាំង ខេត្តព្រៃវែងចម្ងាយប្រហែល ៥០០ ម៉ែត្រមានក្រុមចោរបានលួចម៉ូតូមួយគ្រឿងម៉ាកស្មាស់ពណ៌ខៀវពាក់ស្លាកលេខខេត្តកណ្ដាល 1J .7383 របស់ម្ចាស់ឈ្មោះមឿន សុខឃឿនភេទប្រុសអាយុ ៤០ ឆ្នាំទីលំនៅភូមិមេសរប្រចាន់ឃុំមេសរប្រចាន់ស្រុកពារាំងខេត្តព្រៃវែង។
ដែលម្ចាស់យកទៅទុកនៅកន្លែងកើតហេតុរួចមើលទឹកស្រែខណៈនោះក្រុមចោរប្រើប្រាស់មធ្យោបាយផាស្អាប់មួយគ្រឿង,ពេលលួចបានពួកវាជិះសំដៅទៅទិសខាងលិចចូលភូមិកំពង់ទ្រាឃើញដូច្នោះម្ចាស់ម៉ូតូបានខលរាយការណ៍ជូនសមត្ថកិច្ច។
ជាលិទ្ធផលបានឃាត់ខ្លួនជនសង្ស័យចំនួន៣នាក់៖
១- ជនសង្ស័យឈ្មោះឈឹម ដាភេទប្រុស អាយុ ៣២ ឆ្នាំទីលំនៅភូមិឬស្សីជុក,ឃុំរកា,ស្រុកពារាំង,ខេត្តព្រៃវែង។
២-ជនសង្ស័យឈ្មោះស្រ៊ុន ស្រុឺភេទប្រុសអាយុ ៤២ ឆ្នាំទីលំនៅភូមិឃុំជាមួយ។
៤-ជនសង្ស័យឈ្មោះភួន វាសនាប្រុសអាយុ២៩ឆ្នាំទីលំនៅភូមិព្រហូតឃុំព្រហូតស្រុកកំពង់លែងខេត្តកំពង់ឆ្នាំង រួមនិងសម្ភារៈមួយចំនួន។
ប្រភពច្បាស់ការបានឲ្យដឹងថាជនសង្ស័យ២នាក់រត់គេចខ្លួនបាត់ដោយមិនដឹងមូលហេតុនោះមានឈ្មោះ៖
១- ឈ្មោះឈឹម ដាភេទប្រុស អាយុ ៣២ ឆ្នាំទីលំនៅភូមិឬស្សីជុក,ឃុំរកា,ស្រុកពារាំង,ខេត្តព្រៃវែង។
២-ឈ្មោះស្រ៊ុន ស្រុឺ ភេទប្រុសអាយុ ៤២ ឆ្នាំទីលំនៅភូមិឃុំជាមួយ។
ជុំវិញករណីខាងលើនេះលោកឡុង ប៑ុនធឿន អធិការស្រុកពារាំងបានប្រាប់មកអង្គភាពសារព័ត៌មានយើងថា ពិតជាមានជនសង្ស័យរត់ចេញបាត់មែននេះជាការហ្វេសប្រហែសរបស់លោក ហើយជនសង្ស័យលោកបានបញ្ជូនទៅស្នងការអស់ហើយដើម្បីចាត់ការតាមនិតិវិធីបន្ដ ហើយអ្នករត់ចេញនោះលោកកំពុងស្រាវជ្រាវរកបន្ដ។
ចំណែកឯកលោកពៅ ជាវី ស្នងការរងទទួលផ្នែកព្រហ្មទណ្ឌខេត្ដព្រៃវែងបានឲ្យដឹងថា លោកកំពុងតែធ្វើរឿងនឹងហើយ៕ដោយ៖លោកប៉ែន ឡា
