ស្វាយរៀង ៖ នាព្រឹកថ្ងៃព្រហស្បតិ៍ ១៤រោច ខែអស្សុជ ឆ្នាំឆ្លូវ ត្រីស័ក ព.ស.២៥៦៥ ត្រូវនឹងថ្ងៃទី០៤ ខែវិច្ឆិកា ឆ្នាំ២០២១ លោកឧត្តមសេនីយ៍ទោ កឹង ឃន ស្នងការនគរបាលខេត្តស្វាយរៀង និងជាប្រធានសមាគមអ្នកជិះកង់ដើម្បីសុខភាព និងការអភិវឌ្ឍខេត្តស្វាយរៀង បានអញ្ជើញជាធិបតីក្នុងពិធីប្រកាសទទួលស្គាល់ សាខាសមាគមអ្នកជិះកង់ដើម្បីសុខភាព និងការអភិវឌ្ឍតាជៃ នៃសមាគមអ្នកជិះកង់ដើម្បីសុខភាព និងការអភិវឌ្ឍខេត្តស្វាយរៀង ។ (ដោយមានការអញ្ជើញចូលរួមពី លោក លោកស្រី ជាប្រធាន អនុប្រធាន សមាជិក សមាជិការ ប្រតិភូអមដំណើរ)។
ឯកឧត្តមប្រធាន ក៏បានលើកទឹកចិត្ត និងកោតសរសើរដល់ក្រុមជិះកង់សាខាតាជៃ ដែលមានការទំនាក់ទំនងល្អ ហើយផ្សារភ្ជាប់រវាងក្រុមអ្នកជិះកង់ផ្សេងៗទៀត ។ លើសពីនេះទៅទៀត ឯកឧត្តមប្រធាន ក៏បានបង្ហាញពីគោលបំណង និងឆ្លុះបញ្ចាំងពីវឌ្ឍនៈភាព និងចក្ខុវិស័យ របស់សមាគមអ្នកជិះកង់ដើម្បីការអភិវឌ្ឍខេត្តស្វាយរៀង គោលដៅសំខាន់មានពីរ ៖ ទី១.ផ្នែកសុខភាព
ទី២.ការទំនាក់ទំនង និងការគៀរគរដើម្បីជួយដល់សង្គម
លើសពីនេះទៅទៀត ឯកឧត្តមប្រធាន ក៏បានណែនាំអោយដំណើរការជិះកង់មានសណ្ដាប់ធ្នាប់ល្អ របៀបរៀបរយ ជៀសវាងការគ្រោះថ្នាក់ដោយប្រការណាមួយ ។
ក្រោយកម្មវិធីសំណេះសំណាលចប់ មានរៀបចំអាហារសាមគ្គី ដល់គណៈធិបតី ប្រតិភូអមដំណើរ សមាជិក សមាជិការ ពិសារក្នុងបរិយាកាសសប្បាយរីករាយ និងសាមគ្គីភាព ។
