ខេត្ដព្រៃវែង៖ក្រុមគ្រឿងចក្រថា៖លោកជា ផា ជាមេការរបស់ក្រុមហ៑ុន HMM International Co.,Ltd មិនទួទាត់លុយឲ្យក្រុមគ្រឿងចក្ររបស់គាត់ជាង១មុឺនដុល្លាបន្ទាប់ពីមេការរូបនេះបានជួលពួកគាត់យកគ្រឿងចក្រចុះឈួសឆាយដីចំការមួយកន្លែង ដែលស្ថិតនៅស្រុកកំចាយមារ ខេត្ដព្រៃវែង ដែលមានចំនួន៦៨២ហិកតា ដោយសរុបថវិកាជាង១មុឺនដុល្លារ ។
ក្រុមគ្រឿងចក្រលើកឡើងថា ចាប់តាំងពីពួកគាត់នាំគ្នាដាក់គ្រឿងតាមការជួលរបស់មេការនៃក្រុមហ៑ុនHMM International Co.,Ltd រហូតដល់ឈួសឆាយរួចរាល់ហើយមេការមានឈ្មោះជា ផា នេះមិនបានទួទាត់លុយអោយពួកគាត់នោះទេរហូតដល់ពេលនេះដោយអូសបន្លាយពេលជាយូរខែមកហើយ។ម្យ៉ាងវិញទៀតក្រុមគ្រឿងចក្របានទាក់ទង់ទៅលោកជា ផា តែទូរសព្ទតេមិនចូលរួចក្រុមគ្រឿងចក្របានទំនាក់ទំងទៅ អគ្គនាយកក្រុមហ៑ុនHMM International Co.,Ltd ដែលមានមុខងារជា ជំទាវ បានឆ្លើយថា៖លោកជំទាវបានទួទាត់ជួនទៅលោក ជា ផា អស់ហើយ លោកជំទាវមិនទាក់ទងរឿងក្រុមគ្រឿងនោះទេ ដោយទួទាត់អស់ហើយសរុបចំនួន១៣០០០ដុល្លារទាំងអស់ទៅអោយលោកជា ផារួចរាល់ហើយ។
ក្រុមគ្រឿងចក្រ សូមសំណូមពរដល់អគ្គនាយកក្រុមហ៑ុនHMM International Co.,Ltd ជួយដាស់តឿនឬទំនាក់ទនងទៅលោកជា ផា ដែលមានមុខងារជាមេការសូមឲ្យគាត់ចូលមកដោះស្រោយជាមួយក្រុមគ្រឿងចក្រផង បើពុំដូច្នេះទេក្រុមគ្រឿងចក្រនឹងដាក់ពាក្យបណ្ដឹងលោក ជា ផា ដើម្បីចាត់ការតាមផ្លូវច្បាប់។
ជុំវិញករណីខាងលើនេះអង្គភាពសារព័ត៌មានយើងព្យាយាមទំនាក់ទៅលោក ជា ផា សុំការបំភ្លឺ តែទូរសព្ទមិនអាចទំនាក់ទំនង់បាន។
អង្គភាពសារព័ត៌មានយើងរង់ចាំបកស្រាយបំភ្លឺពីសមុីភាគីពាក់ព័ន្ធទាំង អស់រៀងរាល់ម៉ោងធ្វើការ៕
