ខេត្តឧត្តរមានជ័យ ៖ សេចក្តីរាយការពត៌មានជាបឋមបើតាមប្រភពពីស្រុកត្រពាំងប្រាសាទបានបង្ហើបឲ្យដឹងថា លោក អ៊ូច ម៉ៅ អធិការស្រុកត្រពាំងប្រាសាទ ជិតផ្ទះរឿងចេញពីជនរងគ្រោះ គ្រោងរៀបនិងដាក់ពាក្យបណ្តឹងចូលទៅក្រសួងមហាផ្ទៃ ទើបបាននាំរថយន្តបង្កយកមករក្សាទុកក្នុងករណីគ្រោះថ្នាក់ចរាចរណ៍មួយ រវាងរថយន្តធំបើកគៀរជាន់ស្ត្រីរងគ្រោះជិះម៉ូតូម្នាក់ បណ្តាលឱ្យដាច់ជើងម្ខាង។
ប្រភពបានបន្តទៀតថា រថយន្តបង្ក ខណ:ពេលកើតហេតុ អ្នកស្រុកបានជិះម៉ូតូដេញតាម ស្ទាក់ឃាត់រថយន្តនិងអ្នកបើកបររួចបានប្រគល់ឱ្យសមត្ថកិច្ចស្រុកត្រពាំងប្រាសាទភ្លាមៗផងដែរ។ ជនរងគ្រោះដាក់ការសង្ស័យលើសមត្ថកិច្ចពាក់ព័ន្ធអំពើផ្សេងៗ ដោយអនុញ្ញតិឲ្យតៃកុងបើករថយន្តចេញភ្លាមមិនព្រមទទូលខុសត្រូវលើឧបត្តហេតុដែលបានកើតឡើងនោះ និងមានរយ:ពេលជាច្រើនថ្ងៃ លុះដល់ទី១៥ ខែវិច្ឆិកាឆ្នាំ ២០២១ ប្រហែលដឹងព័ត៌មានខ្លះៗពីសាច់ញាតិជនរងគ្រោះ គ្រោងធ្វើពាក្យបណ្តឹងដាក់ចូលទៅក្រសួងមហាផ្ទៃសុំជួយអន្តរាគមន៍បញ្ហារឿងនេះ ទើបសមត្ថកិច្ចនៃអធិការស្រុកត្រពាំងប្រាសាទ នាំយករថយន្តបង្កនោះមករក្សាទុកវិញ។
លោក អ៊ូច ម៉ៅ អធិការស្រុកត្រពាំងប្រាសាទ ជុំវិញដាក់ការសង្ស័យពាក់ព័ន្ធរថយន្តបង្កដែលអ្នកស្រុកស្ទាក់ឃាត់បានប្រគល់ឱ្យនិងធ្វើការដោះលែងភ្លាមៗនោះអ្នកពត៌មានយើងពុំអាចសំុការបកស្រាយបាននៅថ្ងៃទី២៥ខែវិច្ឆិកាឆ្នាំ២០២១នេះ ដោយលោកឆ្លើយថា កំពុងជាប់រវល់។
សូមបញ្ជាក់ថា ហេតុការណ៍គ្រោះថ្នាក់ចរាចរណ៍មួយនេះ បានកើតឡើងនៅថ្ងៃទី១ ខែវិច្ឆកា ឆ្នាំ២០២១ នៅចំណុចភូមិសែនសំ ឃុំអូរស្វាយ ស្រុកត្រពាំងប្រាសាទ រវាងរថយន្តបង្កចំណុះទម្ងន់៥តោនពាក់ ស្លាលេខ(ភ្នំពេញ3B6480)ដឹកឥដ្ឋបើកបរក្នុងគោលដៅស្របទិសគ្នាពីលិចទៅកើតនិងស្រី្តរងគ្រោះឈ្មោះ សែម សុខខៃ អាយុ៣៣ឆ្នាំ រស់នៅភូមិតាសំ ឃុំអូរស្វាយ ស្រុកត្រពាំងប្រាសាទ បានជិះម៉ូតូម៉ាកហុងដាសេ១០០ពណ៍ខ្មៅ ស្លាកលេខឧត្តរមានជ័យ1E1835 លុះដល់ចំណុចកើតហេតុ ខាងលើ រថយន្តបង្កបានបើកគៀរដួលជាន់បែកដាច់ប្រអប់ជើងខាងឆ្វេងរងរបួសធ្ងន់ត្រូវបានដឹកបញ្ជូនទៅសង្គ្រោះបន្ទាន់នៅមន្ទីពេទ្យខេត្តសៀមរាប កាត់ជើងរហូតដល់ទៅពីរដង លើកទី១កាត់ខាងលើប្រអប់ជើង ដោយស្ថានភាពធ្ងន់ធ្ងរពេកគ្រូពេទ្យសម្រេចកាត់លើកទី២ក្រោមជង្គង់ម្តងទៀត បច្ចុប្បន្នកំពុងសម្រាកព្យាបាលនៅមន្ទីពេទ្យ។
ប្រភពដដែលបានបញ្ជាក់បន្ថែមថា ដោយជីវភាពក្រុមគ្រួសារមានការខ្វះខាតខ្លាំងសាច់ញាតិជនរងគ្រោះធ្វើការសម្របសម្រួលពីលើកជាមួយនឹងម្ចាស់ម្ចាស់រថយន្តបង្កនៅសំណងសមរម្យណាមួយ ក្រោមចំនួន៥០០០ដុល្លាអាមេរិក ឬចំនួនក្រោមនេះដើម្បីយកទៅព្យាបាល តែការសម្របសម្រួលនោះ ជនរងគ្រោះមិនអាចទទូលយកបាន នៅទឹកប្រាក់បន្តិចបន្ទូច លើកទី១ នៅអធិការស្រុក ម្ចាស់រថយន្តផ្តល់នៅសំណងត្រឹមតែចំនួន១០០ដុល្លាអាមេរិកនិងលើកទី២ នៅស្នងការខេត្តត្រឹមតែចំនួន៧០០ដុល្លាអាមេរិក។
គួររំលឹកថាបើយោងតាមប្រភពនានានៅក្នុងស្រុកត្រពាំងប្រាសាទ បានលួចបង្ហើបប្រាប់ឱ្យដឹងថា បទល្មើសល្បែងសុីសងការជួញដូរនិងប្រើប្រាស់គ្រឿងញៀនពេញបន្ទុកក្នុងភូមិសាស្ត្រស្រុកនេះមិនបង្ក្រាប។
ហើយថ្មីៗនេះ លោកហួត សុធី ស្នងការខេត្តបានបញ្ជាឲ្យកម្លាំងការិយាល័យគ្រឿងញៀននៃស្នងការដ្ឋានខេត្តបានលបឆ្មក់ចូលបង្ក្រាបនិងឃាត់ខ្លួនមនុស្សប្រុសស្រី ៥នាក់ កំពុងធ្វើការចែកចាយនិងប្រើប្រាស់គ្រឿងញៀនជាក់ស្តែងតែម្តង។
អង្គភាពយើងនឹងផ្សាយជាបន្តបន្ទាប់ទៀត ប្រសិនបើមានការពន្យល់បកស្រាយ ពីអាជ្ញាធរ និង សមត្ថកិច្ច ឬសាម៉ីភាគីពាក់ទាំងអស់៕
