ភ្នំពេញ ៖ រសៀលថ្ងៃសុក្រ ១៤រោច ខែកត្តិក ឆ្នាំឆ្លូវ ត្រីស័ក ព.ស ២៥៦៥ ត្រូវនឹងថ្ងៃទី៣ ខែធ្នូ ឆ្នាំ២០២១នេះ ឯកឧត្តម នាយឧត្តមសេនីយ៍ សន្តិបណ្ឌិត នេត សាវឿន អគ្គស្នងការនគរបាលជាតិ និងជាសមាជិកគណៈប្រចាំការ នៃគណៈកម្មការជាតិប្រយុទ្ធនឹងជំងឺកូវីដ-១៩ (គ.ប.ក) អញ្ជើញចូលរួមកិច្ចប្រជុំគណៈប្រចាំការ នៃគណៈកម្មការជាតិប្រយុទ្ធនឹងជំងឺកូវីដ-១៩ (គ.ប.ក) តាមប្រព័ន្ធវីដេអូហ្សូម (ZOOM) ក្រោមអធិបតីភាពដ៏ខ្ពង់ខ្ពស់ ឯកឧត្តម អគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្រ្តីក្រសួងសេដ្ឋកិច្ច និងហិរញ្ញវត្ថុ និងជាប្រធានគណៈប្រចាំការ នៃគណៈកម្មការជាតិប្រយុទ្ធនឹងជំងឺកូវីដ-១៩ (គ.ប.ក) ដើម្បីពិនិត្យ និងពិភាក្សាលើរបៀបវារៈដូចខាងក្រោម ៖
១-ការពិនិត្យពិភាក្សា និងវាយតម្លៃសភាពការណ៍នៃការឆ្លងរាលដាលនៃជំងឺកូវី-១៩ នៅក្រោយការបើកដំណើរការប្រទេសឡើងវិញ។
២-ការពិនិត្យពិភាក្សា និងវាយតម្លៃអំពីកម្រិតគ្រោះថ្នាក់នៃមេរោគកូវីដ-១៩ បំប្លែងខ្លួនថ្មីប្រភេទ «អូមីក្រុង»។
៣-ការពិនិត្យ និងពិភាក្សាលើលទ្ធភាពនៃការប្រគល់មណ្ឌលព្យាបាលជំងឺកូវីដ-១៩ ដែលជាទីតាំងឯកជន ជូនម្ចាស់ទីតាំងវិញ ៕
