ខេត្តបន្ទាយមានជ័យ៖នៅព្រឹកថ្ងៃសៅរ៍ ៦ រោច ខែមិគសិរ ឆ្នាំឆ្លូវ ត្រីស័ក ពស ២៥៦៥ ត្រូវនឹងថ្ងៃទី ២៥ ខែ ធ្នូ ឆ្នាំ ២០២១លោកឧត្តមសេនីយ៍ទោ សិទ្ធិ ឡោះ ស្នងការ នគរបាលខេត្តបន្ទាយមានជ័យ ឯកឧត្តម ស្រេង សុផល សមាជិក ក្រុមប្រឹក្សាខេត្តបន្ទាយមានជ័យ និងសហការីបាននាំយកអំណោយ ម៉ូតូម៉ាកហុងដាវែវ សែ១០០cc ផលិតឆ្នាំ២០២១ តម្លៃ ១៣០០ដុល្លារ ដែលជាអំណោយដ៏ថ្លៃថ្លា ឯកឧត្តម នាយឧត្តមសេនីយ៍ កែ គឹមយ៉ាន ឧបនាយករដ្ឋមន្ត្រី និងលោកជំទាវ អគ្គមហាឧបាសិកា ពុទ្ឋសាសនូបត្ថម្ភក៍ ម៉ៅ ម៉ាល័យ កែ គឹម យ៉ាន មកប្រគល់ជូនដល់សិស្សនារី សម្រាប់ប្រើប្រាស់រួម នៅវិទ្យាស្ថានពហុបច្ចេកទេសខេត្តបន្ទាយមានជ័យ ភូមិ គាប សង្កាត់ទឹកថ្លា ក្រុងសិរីសោភ័ណ ។
ឆ្លៀតក្នុងឱកាសនោះ លោកឧត្តមសេនីយ៍ទោ សិទ្ធិ ឡោះ បានពាំនាំនូវពាក្យផ្តាំផ្ញើសួរសុខទុក្ខពី ឯកឧត្តម និងលោកជំទាវ ដោយក្តីនឹករលឹកជូនលោកគ្រូ អ្នកគ្រូ ប្អូនៗ ជាសិស្សានុសិស្ស និងត្រូវខិតខំរៀនសូត្រ ដើម្បីក្លាយជាក្មេងល្អ សិស្សល្អ សម្រាប់សង្គមជាតិ និងត្រូវឃ្លាតឲ្យឆ្ងាយពីគ្រឿងញៀន ចំពោះសិស្ស ដែលគ្រប់អាយុបោះឆ្នោត សូមទៅបោះឆ្នោតឲ្យបានគ្រប់គ្នា និងសូមប្រកាន់ភ្ជាប់នូវ ៣ ការពារ ៣ កុំ តាមវិធានរបស់ក្រសួងសុខាភិបាល៕ ដោយ៖លោកចាន់ពុធ
