(ខេត្តឧត្តរមានជ័យ)យោងទៅតាមរបាយការណ៏របស់សមត្ថកិច្ចបានឲ្យដឹងកាលពីថ្ងៃទី២៧ខែធ្នូឆ្នាំ២០២១ថា ដោយមានការដឹកនាំបញ្ជាផ្ទាល់ ពីលោកឧត្តមសេនីយ៍ទោ ហួត សុធី ស្នងការនគរបាលខេត្ត និងមានការដឹកនាំសម្របសម្រួលនិតិវិធី ពីឯកឧត្តម តូច សុភក្តី ព្រះរាជអាជ្ញាអមសាលាដំបូងខេត្ត ព្រមទាំងមានការចង្អុលបង្ហាញ ពីលោកវរសេនីយ៍ឯក ស៊ីម វណ្ណៈ ស្នងការរងទទួលផែនការងារប្រឆាំងគ្រឿងញៀន លោកវរសេនីយ៍ទោ ស៊ូ នូវ អធិការនគរបាលស្រុក បានដឹកនាំកម្លាំងផែនការងារប្រឆាំងគ្រឿងញៀន និងកម្លាំងអន្តរាគមន៍ ចុះស្រាវជ្រាវបង្រ្កាបមុខសញ្ញាជួញដូរ និងប្រើប្រាស់ដោយខុសច្បាប់នូវសារធាតុញៀន ១ករណីជាក់ស្តែងនៅក្នុងលំនៅឋានតែម្តងស្ថិតត្រង់ចំណុចភូមិអភិវឌ្ឍន៍ ឃុំអន្លង់វែង ស្រុកអន្លង់វែង ខេត្តឧត្តរមានជ័យ។
លោកវរសេនីយ៏ទោ ស៊ូ នូវ អធិការនគរបាលស្រុកអន្លង់វែងបានបញ្ជាក់ប្រាប់អ្នកយកពត៌មានឲ្យដឹងនៅព្រឹកថ្ងៃទី២៩ខែធ្នូឆ្នាំ២០២១វេលាម៉ោង៨និង២៤នាទីថា កិច្ចប្រតិបត្តិការណ៏នៅត្រង់ចំណុចខាងលើនេះដែរគឺកម្លាំងផែនការងារប្រឆាំងគ្រឿងញៀនសហការជាមួយកម្លាំងអន្តរាគមន៏បានធ្វើឃាត់ខ្លួន ជនសង្ស័យម្នាក់និងដកហូតវត្ថុតាងថ្នាំញៀនមេតាំហ្វេតាមីនប្រភេទម៉ាទឹកកក ( ICE ) ចំនួន ៤៨ កញ្ចប់។ ១/កញ្ចប់ធំ ៤០កញ្ចប់។
២/កញ្ចប់តូច ៨កញ្ចប់ ។
ដែលមានទម្ងន់សរុបស្មើនឹង៧៧៤ ក្រាម ។
បច្ចុប្បន្ន ជនសង្ស័យខាងលើរួមនិងវត្ថុតាងដែលដកហូតបានត្រូវបានសមត្ថកិច្ចជំនាញកំពុងសាកសួរធ្វើកំណត់ហេតុបញ្ជូនបន្តចាត់ការទៅតាមនីតិវិធីច្បាប់។
