ខេត្តសៀមរាប ៖ តាមប្រភពច្បាស់ការណ៍បានឲ្យដឹងថា ម្ចាស់ទីតាំងបនល្បែងសង្វៀនជល់មាន់និងអាប៉ោងដ៏ធំមួយកន្លែងនៅសង្កាត់ជ្រាវ ក្រុងសៀមរាប កំពុងបើកដំណើរការទទួលក្រុមអ្នកញៀនល្បែងយ៉ាងគគ្រឹកគគ្រេងយ៉ាងអាណាធិបតេយ្យ តែអាជ្ញាធរនិងសមត្ថកិច្ចហាក់នៅសំងំស្ងៀមមិនមានវិធានការបង្ក្រាប ឬក៏ខ្លាចអំណាចម្ចាស់បនល្បែង។
ប្រភពបញ្ជាក់ច្បាស់ថា បុគ្គលម្នាក់ពីមុនល្បីឈ្មោះធ្លាប់បើកល្បែងដ៏ធំនៅខេត្តកណ្ដាល-អរិយក្សត្រ និងខេត្តតាកែវ ម្តងរួចមកហើយតែត្រូវ អាជ្ញាធរមានសមត្ថកិច្ចបង្ក្រាប បន្ទាប់មកក៏ស្ងាត់មួយរយៈ ប៉ុន្តែឥឡូវនេះបែរជាមកសហការជាមួយឈ្មោះ វ៉ាន់ នៅសៀមរាប បើកសង្វៀនជល់មាន់និងអាប៉ោងខុសច្បាប់ ដ៏ដែល ។ សូមបញ្ជាក់ថាទីតាំងបនល្បែងមួយនេះចូល តាមផ្លូក្រវ៉ាត់ក្រុងទី 2 បំបែកចូលតាមតាមផ្លូវក្រួសក្រហម បុកទៅបឹងពារាំង ខាងត្បូងហាងម្លប់ឬស្សី បឹងពារាំង ប្រហែល៥០០ម៉ែត្របត់ស្ដាំដៃនៅចំណុចលើទួលមួយកន្លែង ស្ថិតនៅភូមិក្រសាំង សង្កាត់ជ្រាវ ក្រុងសៀមរាប ខេត្តសៀមរាប ដោយបើកលេងយ៉ាងរំភើយអាជ្ញាធរមានសមត្ថកិច្ច មិនបង្ក្របសង្ស័យខ្លាចអំណាចម្ចាស់បងល្បែង ។
សូមបញ្ជាក់ថា សម្រាប់ទីតាំងបនល្បែងខាងលើនេះគឺ គេមានអ្នកឈរមើលផ្លូវ យ៉ាងតឹងរឹង មិនអោយអ្នកការសែតចូលជាដាច់ខាតនិងអ្នកខ្លះទៀតឈរចាំសម្របសម្រួលនេះជាយុទ្ធសាស្ត្រឈ្នះ! ឈ្នះ! របស់ក្រុមបនល្បែង ក្រុងនិងខេត្តសៀមរាប ។
សូមរំលឹកថា កន្លងមកសម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ធ្លាប់ដាក់បទបញ្ជាឲ្យមន្ត្រីនគរបាលពាក់ពន្ធ័ ក្រោមឱវ៉ាទ ទូទាំងប្រទេសត្រូវតែបង្ក្រាបរាល់ល្បែងសុីសងខុសច្បាប់គ្រប់ប្រភេទ មិនត្រូវមានការយោគយល់ឡើយ ដើម្បីធានាឲ្យបាននូវ សុខសុវត្ថិភាពជួនប្រជាពលរដ្ឋ ឲ្យស្របតាម គោលនយោបាយ ភូមិ ឃុំ មានសុវត្តិភាពទាំង ៩ចំណុច របស់រដ្ឋាភិបាល ដែលដាច់ចេញដោយក្រសួងមហាផ្ទៃ ។
មហាជនរងចាំមើលថាតើ លោកតេង ច័ន្ទណាត ស្នងការខេត្តសៀមរាប និងលោក ដា ចំរើន អធិការនគរបាលក្រុងសៀមរាប ហ៊ានបង្ក្រាបចុះទីតាំងបនល្បែងដ៏ធំមួយនេះតាមប្រសាសន៍ សម្ដេចក្រឡាហោម ដែលឬទេ ? ខណៈពលរដ្ឋថា ម្ចាស់បនល្បែងមួយនេះមានអំណាចខ្លាំង ៕
