ខេត្តព្រៃវែង ៖ នារីស្រស់ស្អាត ក្មេងៗមានខ្លះមិនទាន់គ្រប់អាយុ នៅហាងកោសជប់នឹងម៉ាស្សារជាច្រើនកន្លែងបង្កប់សេវ៉ាផ្លូវភេទនៅភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង បាននឹងកំពុងបេីកយ៉ាងអនាធិបតេយ្យ នេះបើយោងតាមប្រភពច្បាស់ការ ពីប្រជាពលរដ្ឋដែលរស់នៅក្បែរ និងអ្នកចេញចូលហាងកោសជប់ទាំងនោះ។
ប្រភពពីបងប្អូនប្រជាពលរដ្ឋលួចខ្សឹបប្រាប់សារព័ត៌មានយើងថាថា៖ នៅឃុំកំពង់ពពិលមានកន្លែងម៉ាស្សា កោសជប់បង្កប់ការជួញដូផ្លូវភេទ រាល់ថ្ងៃនៅភូមិកំពង់ពពិល ឃុំកំពង់ពពិល ស្រុកពារាំង ខេត្តព្រៃវែង យ៉ាងគគ្រឹក គគ្រេង សង្ស័យតែម្ចាស់ទីតាំងទាំងអស់នេះ សែនព្រេនអោយអាជ្ញាធរមានសមត្ថកិច្ចហើយមើលទៅ ទើបសំងំយ៉ាងស្ងាត់ឈឹង មិនមានចំណាត់ការអ្វីទាំងអស់ពោលគឺបើកយ៉ាងរលួន។
ប្រភពពីស្ត្រីក្មេងៗ ស្អាត នៅក្នុងកន្លែងម៉ាស្សាម្នាក់ៗបានលើកឡើងថា៖ ចំពោះភ្ញៀវគ្រាន់តែកោសឬជប់ម្តងត្រូវបង់លុយ២មុឺនរៀលទៅ៣មុឺនរៀលក្នុង១ម៉ោងសំរ៉ាប់ភ្ញៀវម្នាក់ៗ
បើសិនភ្ញៀវចង់បានសេវាកម្មវៃសិច ត្រូវបង់លុយពី៨មុឺនរៀលទៅ១០មុឺនរៀល តាមអ្វីដែលនាងៗ ទាទៅបានតាមជំនាញរៀងរាងៗខ្លួន ។
ហើយម្ចាស់ហាងបានដកលុយពីនារីម៉ាស្សាទាំងនោះចន្លោះពី២មុឺនរៀលទៅ៣មុឺនរៀលជាកំហិត។
ពាក់ព័ន្ធនឹងករណីនេះដែរប្រជាពលរដ្ឋបានសុំណូមពរដល់អាជ្ញាធរពាក់ព័ន្ធទាំងអស់ជាពិសេស លោកអធិការស្រុកពារាំង មេត្តាចុះពិនិត្យមេីលហាងកោសជប់នឹងម៉ាស្សារជាច្រើនកន្លែងបង្កប់សេវ៉ាផ្លូវភេទ នៅក្នុងឃុំកំពង់ពពិលទាំងអស់នេះផង ដើម្បីឲ្យស្របតាមគោលនយោបាយភូមិ សង្កាត់ មានសុវត្ថិភាពរបស់រាជរដ្ឋាភិបាលដែលបានដាក់ចេញ។
ជុំវិញករណីការលេីកឡេីងក៍ដូចជាពលរដ្ឋសំណូមពរនេះផងដែរអង្គភាពសារព័ត៌មានយើងមិនអាចសុំការបំភ្លឺពីលោកឡុង ប៊ុនធឿន អធិការនគរបាលស្រុកពារាំង បានទេព្រោះខលមិនចូល។
សូមបញ្ចាក់ផងដែរថាសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងម ហាផ្ទៃ តែងតែបង្គាប់ដល់សមត្ថកិច្ចពាក់ព័ន្ធទាំងអស់ ឱ្យបន្តផ្សព្វផ្សាយពន្យល់ប្រជាពលរដ្ឋ ឲ្យយល់ដឹងបន្តទៀតអំពី គោលនយោបាយ ភូមិ-ឃុំ មានសុវត្ថិភាពតាមមូលដ្ឋាន។
ជាមួយគ្នានេះផងដែរ ការលើកឡើងនូវប្រសាសន៍ដ៏ខ្ពង់ខ្ពស់ របស់ថ្នាក់ដឹកនាំក្រសួងមហាផ្ទៃ ត្រូវបានប្រជាពលរដ្ឋគាំទ្រយ៉ាងខ្លាំង។ តែផ្ទុយទៅវិញ ទន្ទឹមនឹងការគាំទ្រនេះផងដែរ ដែលប្រជាពលរដ្ឋមិនសប្បាយចិត្ត បានសម្តែងនូវក្តីបារម្មណ៍ ពីភាពអសន្តិសុខនៅក្នុងភូមិ ឃុំ ត្រង់ថា ទីតាំងហាងកោសជប់នឹងម៉ាស្សារជាច្រើនកន្លែងបង្កប់សេវ៉ាផ្លូវភេទនៅក្នុងភូមិកំពង់ពពិល ឃុំកំពង់ពពិលស្រុកពារាំង ខេត្តព្រៃវែង បាននឹងកំពុងបើករាល់ថ្ងៃ។
ដូច្នេះហើយប្រជាពលរដ្ឋសូមសុំណូមពរទៅលោកព្រុំ សន្ធរ ស្នងការនគរបាលខេត្តព្រៃវែង និងលោកឈួន គីមសានមេ បញ្ហាការដ្ឋានកងរាជអាវុធខេត្តព្រៃវែងជាពិសេសលោកស្រី ព្រាប សាវី ស្នងការរងទទួលផែនការងារប្រឆាំងការជួញដូរមនុស្សនិងការពារអនីតិជន មេត្តាជួយចុះស្រាវជ្រាវនិងបង្រាបទីតាំងម៉ាស្សា កោសជប់បង្កប់ការជួញដូផ្លូវភេទទាំងនោះផងទាន។ ពីព្រោះថា៖កន្លែងម៉ាស្សា កោសជប់បង្កប់ការជួញដូផ្លូវភេទទាំងនេះជាប្រពភកើតមានអំពើលួច ឆក់ ប្លន់ និងអំពើហឹង្សារ ឬប្រើប្រាស់ថ្នាំញៀនជាដើម៕
