ខេត្តបន្ទាយមានជ័យ ៖ កម្លាំងចម្រុះបានចុះជួយពន្លត់អគ្គីភ័យមួយកន្លែងដែលឆាបឆេះលំនៅដ្ឋានប្រជាពលរដ្ឋ ១ខ្នង កាលពីវេលាម៉ោង១០និង៤៥នាទី ថ្ងៃទី០២ ខែមិនា ឆ្នាំ២០២២ ហេតុការនេះកើតឡើងនៅភូមិសូភី សង្កាត់កំពង់ស្វាយ ក្រុងសិរីសោភ័ណ ខេត្តបន្ទាយមានជ័យ។
លោកឧត្តមសេនីយ៍ត្រី នូ ជីវ័ន្ត ស្នងការរង ផែនការងារនគរបាលព្រហ្មទណ្ឌ នៃស្នងការនគរបាលខេត្តបន្ទាយមានជ័យ ដឹកនាំកម្លាំងប្រចាំបញ្ជា ចុះជួយពន្លត់អគ្គិភ័យ ឆាបឆេះផ្ទះប្រជាពលរដ្ឋ រួមនឹងកងកម្លាំងយោធាសឹករងខេត្តបន្ទាយមានជ័យផងដែរ ។
លោកវរសេនីយ៍ឯក ស៊ី ឌី អធិការនគរបាលក្រុងសិរីសោភ័ណ បានឲ្យដឹងថា ហេតុការណ៍នេះបណ្តាលឲ្យលំនៅដ្ឋានប្រជាពលរ ដ្ឋ០១ ខ្នងរង់ការឆេះទាំងស្រុងនិង០២ខ្នងទៀតរងផលប៉ះពាល់ខ្លះៗ។
លោកឧត្តមសេនីយ៍ត្រី ប៊ុន ផេង ស្នងការរង ទទួលផែនគ្រប់គ្រងការងារអគ្គីភ័យ និង គ្រឿងផ្ទុះ នៃស្នងការដ្ឋាននគរបាលខេត្តបន្ទាយមានជ័យ បានមានប្រសាសន៍ថា ក្រោមការបញ្ជាផ្ទាល់ពីលោកឧត្តមសេនីយ៍ទោ សិទ្ធិ ឡោះ ស្នងការនគរបាលខេត្តបន្ទាយមានជ័យ លោកបានដឹកនាំកម្លាំងការិយល័យនគរបាលគ្រប់គ្រងអគ្គីភ័ នាំយករថយន្តពន្លត់អគ្គីភ័យចំនួន០៤ គ្រឿងមកបាញ់ពន្លត់ រយះពេលជាងកន្លះម៉ោងទើបភ្លើងរលត់ទាំងស្រុង ៕
