ខេត្តស្វាយរៀង ៖ លោកសូ រតនៈប្រធានប្រតិបត្ដិក្រុមយុវជនការពារសន្ដិភាពនិងភរិយា បានជួបសំណេះសំណាលជាមួយបងប្អូនប្រជាពលរដ្ឋចំនួនពីរភូមិនៅឃុំអណ្ដូងពោធិ៍ ស្រុករមាសហែក ខេត្តស្វាយរៀង នាថ្ងៃអាទិត្យ ៤ កើត ខែផល្គុន ឆ្នាំឆ្លូវ
ត្រីស័ក ពុទ្ធសករាជ ២៥៦៥
ត្រូវនឹងថ្ងៃទី៦ ខែមីនា ឆ្នាំ២០២២។
លោកសូ រតនៈ ប្រធានប្រតិបត្ដិក្រុមយុវជនការពារសន្ដិភាពនិងភរិយា បាននាំយកអំណោយមកចែកជូនដល់ប្រជាពលរដ្ឋចំនួន២៣ គ្រួសារនៅក្នុងមូលដ្ឋានឃុំអណ្ដូងពោធិ៍ ហើយលោកបានជួបសំណេះសំណាល និងបានពាំនាំនូវពាក្យផ្តាំផ្ញើរបស់ថ្នាក់ដឹកនាំគណៈបក្សប្រជាជនកម្ពុជា ដែលតែងតែនឹករលឹកដល់បងប្អូនប្រជាពលរដ្ឋទាំងអស់គ្នាពីចម្ងាយផងដែរ ។
នៅក្នុងពិធីនោះមានការអញ្ជើញចូលរួមពី លោកប្រធានយុវជនការពាសន្ដិភាពស្រុក,ខេត្ដនិងគណៈប្រត្ដិភូរបស់ក្រុមយុវជនការពាសន្ដិភាព លោកមេភូមិ អ្នកស្រីមេឃុំ អាជ្ញាធស្រុក លោកនាយប៉ុស្ដិ៍ និងប្រជាការពារផងដែរ ។
លោក ស្រីមេឃុំអណ្ដូងពោធិ៍បានថ្លែងនៅក្នុងពិធីនោះថា លោកសូ រតនៈនិងក្រុមការងារ តែងតែនាំយកអំណោយចែកជួនដល់បងប្អូននៅក្នុងមូលដ្ឋានឃុំអណ្ដូងពោធិ៍យ៉ាងច្រើនគួរឲ្យកត់សម្គាល់ជាបន្តបន្ទាប់ ។
នៅក្នុងពិធីជួបសំណេះសំណាលនោះក៏មានការចែកអំណោយបងប្អូនប្រជាពលរដ្ឋទាំងអស់ចំនួន ២៣គ្រួសារមកពីភូមិរោង ស្នោនិងរៀមសេនា ។
អំណោយដែលទទួលបានក្នុងម្នាក់ៗរួមមានអង្កមួយបេ មីមួយកេស ទឹកត្រីមួយយូរ ទឹកសុីអុីវមួយយូរនិង ថវិកាម្នាក់ៗ ចំនួន២មុឺនរៀល ។ ចំពោះ ជនពិការក្នុងម្នាក់ៗទទួលបានរទេះមួយបន្ថែមទៀត។
ឆ្លៀតនៅក្នុងឱកាសនោះផងដែរលោកសូ រតនៈប្រធានប្រតិបត្ដិក្រុមយុវជនការពារសន្ដិភាពបានមានប្រសាសន៍ណែនាំពន្យល់ដល់បងប្អូនប្រជាពលរដ្ឋដែលមកទទួលអំណោយទាំងអស់ សូមកុំចាញ់បោកលើគណបក្សនយោបាយផ្សេង ត្រូវជឿជាក់លើកគណបក្សប្រជាជនកម្ពុជា ដែលមានសម្តេចតេជោ ហ៊ុន សែន ជានាយករដ្ឋមន្ត្រីដឹកនាំអស់រយៈ ពេល៤៣ឆ្នាំហើយក្រោមម្លប់សន្តិភាព និងការរីកចំរើននៅគ្រប់វិស័យ។
លោកបានលើកឡើងថា មានតែគណបក្សប្រជាជនកម្ពុជាតែមួយគត់ដែលរំដោះបងប្អូនប្រជាពលរដ្ឋឲ្យរួចផុតពីរបបប្រល័យពូជសាសន៍ នាំមកនូវសន្តិភាព សុខដុមរម្យនា រួមសុខរួមទុក្ខជាមួយប្រជាពលរដ្ឋ ខិតខំកសាងប្រទេសពីបាតដៃទទេ រហូតមានអ្វីៗគ្រប់សព្វបែបយ៉ាងដល់បច្ចុប្បន្ននេះ ។ ជាពិសេស ថ្នាក់ដឹកនាំគណបក្សប្រជា ជនតែងតែនៅជាប់ជាមួយបងប្អូនប្រជាពលរដ្ឋ ទីណាប្រជាពលរដ្ឋមានទុក្ខ ទីនោះមានមុខថ្នាក់ដឹកនាំគណបក្សប្រជាជនជួយជានិច្ច ហើយចំណុចពិសេសទៀតនោះគឺថ្នាក់ដឹកនាំគណបក្សប្រជាជនកម្ពុជាមិនដែលរត់ចោលបងប្អូនប្រជាពលរដ្ឋដូចមេបក្សផ្សេងៗនោះទេ ពោលគឺនៅជាប់ជាមួយបងប្អូនប្រជាពលរដ្ឋគ្រប់កាល:ទេស:ទាំងអស់ ។
លោកសូ រតនៈ បានបញ្ជាក់ថាអំណោយ បានមកពីការជួយឧបត្ថម្ភពីឯកឧត្ដមហ៑ុន ម៉ាណែតនិងភរិយា ដែលតែងតែផ្តល់អំណោយផ្ទាល់ខ្លួនតាមរយ:ក្រុមយុវជនការពារសន្ដិភាពចែកអំណោយជូនបងប្រជាពលរដ្ឋគ្រប់កាល:ទេស:ទាំងអស់ ។
លោកក៏បានក្រើនរំលឹកដល់បងប្អូនប្រជាពលរដ្ឋទាំងអស់គ្នាត្រូវបន្តចូលរួមប្រុងប្រយ័ត្នឲ្យបានខ្ពស់បន្តទៀតនូវជំងឺកូវីដ១៩បំលែងថ្មី(អូមេក្រុង) ដោយត្រូវធ្វើអនាម័យជាប់ជាប្រចាំ ដោយអនុវត្តន៍វិធានការតាមការណែនាំរបស់ក្រសួងសុខាភិបាលអោយបានត្រឹមត្រូវ និងអនុវត្តអោយបានម៉ឺងម៉ាត់នូវវិធានការបង្ការ ការពារ និងទប់ស្កាត់ ការរីករាលដាលនៃជំងឺកូវីដ-១៩ កុំអោយកើតក្នុងគ្រួសារ និងនៅក្នុងសហគមន៍របស់យើង ពិសេសត្រូវបន្តអនុវត្តន៍ឲ្យបានខ្ជាប់ខ្ជួននូវវិធានការ ៣ការពារ ៣កុំ ដែលបានដាក់ចេញដោយប្រមុខរាជរដ្ឋាភិបាល ៕
